एफीसुपा 4:25 - ॱलोवा

²⁵ होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 4:25 Iomraidhean Croise

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

२ कोरीन्‍थुपा 7:14

धेनी खी़ दोङदु ङी खीकी कोरला ङोम्‍सो झ्‍येजागोला, ङा ङोजा घीया माझ्‍युजुङ। हीना हीकी खेक्‍याला स्‍येगीन घीरी धेन्‍पा हीन्‍गीन च्‍योक्‍रे, तीतोसगी दोङदु हीकी ङोम्‍सो झ्‍यीगीनगोवाः धेन्‍पा झ्‍युजुङ।

एफीसुपा 4:15

हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

एफीसुपा 5:30

घीझ्‍येरी ॱनाना होराङ खोङबागी कुली़गी येन्‍लाकक्‍या लाक।

कोलोसेपा 3:8

हीना धान्‍दा खेक्‍याई खोङडो धाङ स्‍येताङ धेनी ङेन्‍सेम धाङ ॱमेबेप धाङ खेरी खाने थो़न्‍गीन, छीक झ्‍योरा घीरी पोङ।

कोलोसेपा 3:9

धेनी च्‍यीकगी च्‍यीकला शोक ॱमास्‍ये घीझ्‍येरी ॱनाना खीकी स्‍यीका ॱङीङबाक्‍या, होदेगी लाक्‍लेन मुलाराङ खीकी पाङ सावालाक।

१ तीमोथेउ 1:10

लोक्‍येम्‍पाक्‍या धाङ फोला चो़गीन धेनी मी ढेन्‍योकला चोङगीन धाङ शोक स्‍येगीनक्‍या धेनी ॱना ॱमीचीगीन धाङ झ्‍यीलापचेनगी को़न्‍क्षोकगी, ङाला ॱनाङगीन शीजेचेनगी ताम्‍शाङगी तावा ढाङपोला ॱमीथी़न्‍गीन, घीरीगी क्षीला लाक।

१ तीमोथेउ 4:2

देरे ॱलापच्‍याक्‍या शोक स्‍येगीनक्‍याई ॱली़टेने हुङगीलाक। खुङक्‍याई स्‍येराप शाङपो, मेच्‍याकगी ॱराक्‍रा च्‍योक्‍रे हुङालाक।

तीतोस 1:12

खुङक्‍याई ॱङो़न स्‍येगीन च्‍यीक्‍कीयाः लेमो च्‍यीक देरे ॱने हो़तालाक, “केरेटगी मीक्‍या नाम्‍हीना शोक स्‍येदालाक। खुङक्‍या सेम्‍चेन दुकच्‍या च्‍योक्‍रे धाङ लेमेलाम्‍गीन फोक्‍चाङा हुङालाक।”

तीतोस 1:2

होदे लाब धेन्‍पागो, को़न्‍क्षोकगी एम्‍माने जेजा धाम्‍चा थामेपे छेसोकगी रेवागो लाक। को़न्‍क्षोक नामा शोक ॱमीसुङालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।