एफीसुपा 4:24 - ॱलोवा

²⁴ धेनी को़न्‍क्षोकगी स्‍यीकाला धेन्‍पे ढाङतेन धाङ धाम्‍पाला को़का स्‍यीका साबागो लेन ॱनेरी, खेक्‍याला ॱलाप हो़तालाक।

एफीसुपा 4:24 Iomraidhean Croise

योहान्‍ना 17:17

धेन्‍पागी थोक्‍ने खुङक्‍याला धाम्‍पा जे, खेराङगी का धेन्‍पा हीन।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

१ कोरीन्‍थुपा 15:53

घीझ्‍येरी ॱनाना मेताला डोगीनगी, मेताला मेडोगीन ली़ला धेनी छीवाला डोये हीन्‍गीन ली़गी, छीवा मेगीन ली़ला ग्‍युर घोगीलाक।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 4:16

होझ्‍येरी हेक्‍या सेमस्‍युक छाक्‍ती मेधेहो़क। हीकी फीदी ली़ ङ्याम्‍दी डोनाः, हीकी सेम्‍ङी नी श्‍याक्‍मो डाई साबा झ्‍युरी डोवालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

एफीसुपा 6:11

धेनी धी़कगी ॱयो़झ्‍यी़क्‍याने तेन्‍पो ॱने थुप्‍येला, खेक्‍या को़न्‍क्षोकगी गोठाप छाङबो घो़न।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 1:8

हीना सेगी कोरला खोङबा देरे सुङालाक, “के को़न्‍क्षोक खेराङगी श्‍युक्‍ठी, धी़ तेन्‍दु ॱनेलालाक धेनी खेराङगी राङगी ग्‍यासी, ठीम ढाङपो गोने ठीम चेदालाक।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

२ पेटो 1:4

धेनी खोङबागी शीजे धाङ थुक शाङपोगी गोने, होराङला खोङगी धाम्‍चा खाक्‍क्षेक्‍या धाङ चाछेक्‍या ॱनाङ हो़तालाक। देक्‍या गोने दो़पा ङेन्‍पाक्‍याई झ्‍येरी, जीक्‍तेन नाङ हो़गीन ङेन्‍पाक्‍याने थारती, खेक्‍या को़न्‍क्षोकगी ॱलानामेपे राङश्‍यीला थेये राक हो़तालाक।