23 धेनी राङगी सेम्ङीदु साबा झ्युङ।
धेनी दे जीक्तेनगी लुक्सो़ला माडे, हीना को़न्क्षोकला ख्यो़री सेम्बा ग्युरा जेदी, ख्यो़ला मी साबा च्यीक जेदु च्युक। धेनी को़न्क्षोकगी थुकोङ नी, शाङपो धाङ थुक्ङेउ धाङ फी़न्सुम छोक्पा हीन्गीनगो, खेक्याई स्येगीलाक।
होझ्येरी होरी ठी़सो़गी थोक्ने, होराङक्या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्ने, मास्यीका छीवाने कुसो़न्पो श्याङगीन च्योक्रे, होराङक्याः छे साबागी नाङ छोवा क्यालास्योक ॱनेरी लाक।
धा धीक्पे राङश्यीगी ख्यो़री साम्लो वाङ झ्यीदु च्युक्ना, छीवादु ठीयालाक हीना धाम्पे थुक्ङीगी ख्यो़री साम्लो वाङ झ्यीदु च्युक्ना, छेसोक धाङ श्यीदेला ठीयालाक।
घीझ्येरी ॱनाना होराङ ले शाङाक्याई क्षीला, मास्यीका येशु नाङ को़का को़न्क्षोकगी क्षाक्शो़ लाक। धेनी देरे झ्यीयेला खोङबागी होराङला एम्मानेराङ डाढीक जेपालाक।
धेनी स्यीका साबा दे खेलेन हो़तालाक। धेनी दे नी, खेक्याई को़पापोगी कोरला स्येराप छाङघोगो थोप्येगी क्षीदु, खेक्याला खोङबाराङगी स्यीकाला साबा जेदी हो़तालाक।
होरी ले शाङपो झ्येरी मेन्दा, खोङबागी ॱङीङजेगी झ्येरी होराङला क्योप जेपालाक। धाम्पे थुक्ङीगी थोक्ने खोङबागी होरी धीक्पा ठी़सो़ जेदी, होराङला धाब्ले केरु च्युक्ती मीछे साबा ॱनावालाक।
होझ्येरी खेक्या राङगी सेम डाढीक झ्यी धेनी चाङजे झ्येरी धो़क। धेनी येशु मास्यीका ॱङो़न्दी घाङला, खेक्याला ॱनाङये हीन्गीन थुक्जे गोला रेवा छाङगो झ्येरी धो़क।
