एफीसुपा 4:22 - ॱलोवा

²² दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 4:22 Iomraidhean Croise

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 7:11

घीझ्‍येरी ॱनाना धीक्‍पागी कागी गोने घुकाप जोरती, ङाला गोकोर ताङजुङ धेनी कागी थोक्‍ने ङाला सेजुङ।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 4:31

ङेन्‍सेम घीरी धाङ खोङडो धाङ स्‍येताङ घीरी, धेनी थाप्‍चो़ धाङ ॱमेबेप घीरी धाङ ठादोक ॱनाछोकक्‍या पोङ।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

ईब्‍रीपा 12:1

होझ्‍येरी देरे माङा पाङपोगी ॱरीङबागी, होराङला कोरती धेता झ्‍येरी, होराङ खु ॱनाछोक धाङ लेल्‍हामोमा, गोकोर ताङगीन धीक्‍पाला पारी, होराङ होरी दोङदु श्‍याकश्‍या भाङदुरगो शो़पा झ्‍येरी भाङ ताङु।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

याकोब 1:26

धेनी राङला ढाङपो साम्‍दी हीना राङगी च्‍येमोला दाक्‍पो मेग्‍याप्‍कीन मीगी राङला गोकोर ताङालाक धेनी खी़ क्षो़गोवा फेन ॱमेथोवालाक।

१ पेटो 1:18

घीझ्‍येरी ॱनाना को़न्‍क्षोकगी खीकी धाङबी फामाने झ्‍युजा दो़न मेगीन चो़लामक्‍याने, खेक्‍याला मेताला डुगीन सेर याङना ॱङुगी रीङ ज्‍यारी ॱली़वा मेन्‍दा,

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

२ पेटो 2:13

खुङक्‍याई श्‍येम्‍माला ॱनो़ क्‍यारी, होदेगी छापला राङलाः ॱनो़ फोक्‍कीलाक। धेनी खुङक्‍याई क्षीदु कीपो ताङयेगो, ङीङमोराङ छो़ मीशीम्‍दा शा-थुङ झ्‍येरी धेये लाक। खुङक्‍या खीकीमुला डो़नला शामा शी घाङलाः, मीला गोकोर ताङयेला घालालाक। खुङक्‍या नी, खेक्‍याला ङोजा खेरती हुङगीन क्‍यो़न च्‍योक्‍रे लाक।

२ पेटो 2:7

हीना को़न्‍क्षोकगी लोतला क्‍योप जेपालाक। खो नी, ठीम मेगीन मीक्‍याई दो़क्षाकगी चो़लामला सेम फाम्‍गीन, मी ढाङपो च्‍यीक लाक।