एफीसुपा 4:21 - ॱलोवा

²¹ येशु नाङ हो़गीन धेन्‍पाला तेन्‍ती, खेक्‍याई खोङबागी कोरला ङेन हो़तालाक धेनी ॱलाप हो़तालाक।

एफीसुपा 4:21 Iomraidhean Croise

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

लुका 10:16

येशुगी ङेनेक्‍याला सुवालाक, “खेक्‍याला ङेन्‍गीनगी़ ङाला ङेन्‍गीलाक। धेनी खेक्‍याला खेमेलेन्‍गीनक्‍याई ङाला खेमेलेन्‍दालाक धेनी ङाला खेमेलेन्‍गीनक्‍याई ङाला ताङगीनला खेमेलेन्‍दालाक।”

योहान्‍ना 1:17

घीझ्‍येरी ॱनाना काठीमगो मोशेगी थोक्‍ने ॱनावालाक हीना थुक्‍जे धाङ धेन्‍पागो, येशु मास्‍यीका थोक्‍ने झ्‍युवालाक।

योहान्‍ना 10:27

ङी लुकक्‍याई ङी केक ङेन्‍दालाक। धेनी ङी होदेक्‍याला ङो स्‍येलीहो़क। धेनी देक्‍या ङी स्‍याम्‍ला डाङालाक।

योहान्‍ना 14:17

दे नी धेन्‍पा तो़न्‍गीन धाम्‍पे थुक्‍ङी लाक। जीक्‍तेनगी मीक्‍याई खोङबाला सी़ ॱमीथुक्‍कीलाक घीझ्‍येरी ॱनाना खुङक्‍याई खोङबाला ॱमेथोङालाक धेनी ङो ॱमेस्‍येलालाक। खोङबा खेक्‍यामुला ॱनेलालाक धेनी खीकी नाङ ॱनेगीलाक, होझ्‍येरी खेक्‍याई खोङला ङो स्‍येलालाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

रोमापा 10:14

धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

२ कोरीन्‍थुपा 1:20

घीझ्‍येरी ॱनाना को़न्‍क्षोकगी धाम्‍चा घीरी, खोङबागी नाङ डुप्‍पालाक। होझ्‍येरी को़न्‍क्षोकगी शीजेगी क्षीदु, खोङगी थोक्‍ने होराङ “आमेन” ॱनालाक।

२ कोरीन्‍थुपा 11:10

धेनी ङी ङोम्‍सो झ्‍यीगीन दे मास्‍यीकागी धेन्‍पागो, ङी सेम नाङला हो़गीन थुक्‍पे, आकाईया युछोकदु सी़या काक ॱमीथुक्‍कीलाक।

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

एफीसुपा 2:17

खोङबा फेप्‍ती खे थाक्‍रीङा धाङ ङ्ये हो़गीनक्‍याला, श्‍यीदेगी ताम्‍शाङ सुङा जेपालाक।

कोलोसेपा 1:5

धेपा धाङ चेवा दे, खीकी दो़न्‍दु नाम्‍खे श्‍यीङखामदु श्‍याकश्‍या रेवागी झ्‍येरी लाक। दी कोरला खेक्‍याई धेन्‍पे कागी ताम्‍शाङने एन्‍दुरु घोर हो़तालाक।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।