एफीसुपा 4:16 - ॱलोवा

¹⁶ खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:16 Iomraidhean Croise

योहान्‍ना 15:5

“ङा नी, घुन्‍डुम स्‍यीङदोङ हीन धेनी खेक्‍यागो याक्‍काक्‍या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्‍कीलाक घीझ्‍येरी ॱनाना ङाने डारी, खेक्‍याई घीया झ्‍यी ॱमीथुक्‍कीलाक।

रोमापा 12:4

घीझ्‍येरी ॱनाना होरी ली़ च्‍यीकला येन्‍लाक माङा हुङालाक हीना येन्‍लाक घीरीगी लेगा च्‍यीकराङ मेगीन च्‍योक्‍रे,

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 13:13

धेनी धा धेपा धाङ रेवा धाङ झाम्‍पा सुम ॱनेगीलाक। हीना देक्‍या नाङने गेक्षेस्‍योकगो झाम्‍पा लाक।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 3:17

धेनी धेपागी थोक्‍ने, मास्‍यीका खेक्‍याई सेम नाङदु श्‍युक्‍वास्‍योक धेनी झाम्‍पा नाङ चावा तीङ रीङबो, धाङ तेन्‍पो झ्‍युरी

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:15

हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

१ थेसालोनीकेपा 2:13

हेक्‍याने घोरकीन को़न्‍क्षोकगी का दे, खेक्‍याई होदेला मीगी का च्‍योक्‍रे मेन्‍दा, को़न्‍क्षोक राङगी का ॱनेरी खेलेन्‍बालाक धेनी खे धेपा झ्‍यीगीनक्‍याई खोक्‍दु को़न्‍क्षोकगी क्षाले डुप्‍कीनगोला, हेक्‍या ॱमेक्षेता को़न्‍क्षोकला थुक्‍जेक्षे पुलीहो़क।

१ थेसालोनीकेपा 3:12

धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ योहान्‍ना 4:16

होझ्‍येरी को़न्‍क्षोकगी झाम्‍पा होराङला हो़गीनगो, होराङ स्‍येलालाक धेनी यीच्‍चे झ्‍यीदालाक। को़न्‍क्षोक नी, झाम्‍पा जेगीन को़न्‍क्षोक लाक। धेनी झाम्‍पा नाङला ॱनेगीनगो, को़न्‍क्षोकगी नाङ ॱनेलालाक धेनी को़न्‍क्षोक खी़ नाङ श्‍युक्‍वालाक।