एफीसुपा 4:15 - ॱलोवा

¹⁵ हीना झाम्‍पागी गोने लाब धेन्‍पा स्‍येदी, होरी उ हीन्‍गीन मास्‍यीकागी नाङला छोक घीरीने, होराङ छारती डोघो़।

एफीसुपा 4:15 Iomraidhean Croise

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

रोमापा 12:9

झाम्‍पागो ढाङपो हुङघो़। ङेन्‍पागोला दाङा झ्‍यी धेनी शाङागोला ॱनेती धो़क।

१ कोरीन्‍थुपा 11:3

हीना केवे-भु घीरीगी उ नी मास्‍यीका लाक धेनी केमीगी उ नी, मोरी ख्‍योवा लाक धेनी मास्‍यीकागी उ नी को़न्‍क्षोक लाक ॱनेरी, खेक्‍याई स्‍येगीनगो ङा दो़दीहो़क।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

२ कोरीन्‍थुपा 8:8

ङा खेक्‍याला का तेरामेन हीना मी श्‍येम्‍माक्‍याई हुरा झ्‍येरी रोक्‍राम झ्‍यीगीनमुला दुरती, खेक्‍याई चेवागोवाः धेन्‍पा लाक ॱनेरी पाङपो झ्‍यीयेला, ङा देक्‍या ॱनाहीन।

एफीसुपा 1:22

धेनी को़न्‍क्षोकगी घीरी मास्‍यीकागी श्‍याप होकदु श्‍या जेपालाक। धेनी क्षो़छोकगी क्षीदु खोङबाला घीरीगी उ को़ ॱनावालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 2:21

मास्‍यीकाला तेन्‍ती, होदे खाङबागो घीरी च्‍यीकदु थी़न्‍दी, चोवोगी नाङ क्षो़खाङ धाम्‍पा च्‍यीकला ग्‍युरालाक।

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 3:18

चेवे टुवाक्‍याओ, होराङ छीक धाङ खागी च्‍यीगा झाम्‍पा मेन्‍दा, लाक्‍लेन धाङ धेन्‍पे गोने झाम्‍पा झ्‍यीदु।