एफीसुपा 4:14 - ॱलोवा

¹⁴ धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 4:14 Iomraidhean Croise

मेथा 11:7

धा योहान्‍नागी ङेनेक्‍या लोक्‍ती, येशुगी मीछोकक्‍याला योहान्‍ना कोरला कामो़न ॱनावालाक, “खेक्‍या रीतोङदु घी तारु सोवा? ॱलुङबुगी घुगीन चाला तारु सोवे?

मेथा 24:11

धेनी ॱङो़नस्‍येखेन शोक्‍पोक्‍या माङा थो़न्‍गीलाक धेनी मी माङाला ॱली़गीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

जेपा 23:21

हीना खेराङ खुङक्‍याई खाला माङेन्‍रोनाङ। घीझ्‍येरी ॱनाना होदुरु मी श्‍यीपच्‍युने माङा पाउलुला सेयेला धेदुक। खुङक्‍याई खोला ॱमासेगीन थुक्‍पे, घीन्‍दा मेशाये धाङ ॱमीथुङये ॱनेरी ॱना क्‍यादुक। धेनी खुङक्‍या डाढीक झ्‍येरी, खेराङगी लो़नला घुक्‍ती धेदुक।”

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 3:19

घीझ्‍येरी ॱनाना दे जीक्‍तेनगी स्‍येराप नी, को़न्‍क्षोकगी ॱमीक्‍वादु ॱलेन्‍दा लाक। सुङरापला देरे ढीक हो़तालाक, “मी खेवाक्‍याला खोरी चाङग्‍यु नाङलाराङ, खोङबागी शीम्‍गीलाक।”

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

२ कोरीन्‍थुपा 4:2

हीना हेक्‍याई साङवा धाङ ङोछागीन लेगा घीरी पा हो़क। धेनी हेक्‍या ॱली़टे धाङ को़न्‍क्षोकगी काला ॱयो़येगी लेगाक्‍या मीझ्‍यीहो़क। हीना को़न्‍क्षोकगी ॱमीक्‍वादु मी घीरीगी स्‍येशाङला, हेक्‍या मी घा हीन्‍गीनगो तो़न्‍येला, हेक्‍या धेन्‍पे कागो सावो झ्‍येरी सेटाक झ्‍यीदीहो़क।

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

एफीसुपा 6:11

धेनी धी़कगी ॱयो़झ्‍यी़क्‍याने तेन्‍पो ॱने थुप्‍येला, खेक्‍या को़न्‍क्षोकगी गोठाप छाङबो घो़न।

१ तीमोथेउ 3:6

खो धेपाला साम्‍बा ग्‍युरवा मी हुङये मेतालाक घीझ्‍येरी ॱनाना खो पोवा केरी धी़कगी क्षेपा नाङला ल्‍हीम थुप्‍कीलाक।

२ तीमोथेउ 1:15

एशीयारु हो़गीन घीरी धाङ होदे खोक्‍ने फुगेलोस धाङ हेरमोगेने ॱङीउगी, ङाला पाङगीनगो ख्‍यो़ला स्‍येये हो़तालाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

२ तीमोथेउ 4:3

घीझ्‍येरी ॱनाना मीक्‍याई तावा ढाङतेनगी ॱलापच्‍याला ङेन्‍ङी मेदो़दा, राङगी ङेन्‍ङी दो़गीन लाबक्‍या धाङ राङगी थेगीन ॱलोपो़नक्‍या चायेगी धी़ स्‍यारकीलाक।

ईब्‍रीपा 13:9

क्षो़ खेन्‍छा धाङ ढामेढाक्‍याई, खेक्‍याला ॱली़रु ॱमाच्‍युक। घीझ्‍येरी ॱनाना को़न्‍क्षोकगी थुक्‍जेगी गोने, मीगी सेम तेन्‍पो झ्‍युङालाक हीना शाये धाङ थुङयेगी ॱरोक्‍या ॱरुङदी मीझ्‍युङालाक। देरे ॱरो ॱरुङगीनक्‍याला घीयाः, फेन्‍थोक माझ्‍यु हो़तालाक।

याकोब 1:6

हीना खी़ दोक्‍पा घीया मीझ्‍यीदा धेपेगोने श्‍यी़घो़ घीझ्‍येरी ॱनाना दोक्‍पा झ्‍यीगीनगो नी ॱलुङगी देता धाङ टुक्‍टा ग्‍याछोगी भालाप च्‍योक्‍रे लाक।

याकोब 3:4

डुशीङक्‍याला तो़दाङ, देक्‍या ॱमीच्‍यीकी क्षे हो़ना धेनी ॱलुङ स्‍युक्‍क्षेगी देना, डुपागी राङगी थेजा स्‍योकला कोरयेला, क्‍या च्‍युङा च्‍यीकगी देक्‍याला ठीयालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

१ योहान्‍ना 2:26

खेक्‍याला गोकोर ताङदो़ झ्‍यीगीनक्‍याला ॱमीक्‍ती, ङा खेक्‍याला दे लाबक्‍या ढीयाहीन।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

युदा 1:12

खीकी झाम्‍पे डो़नला दे मीक्‍या ढीमाक च्‍योक्‍रे दुक घीझ्‍येरी ॱनाना देक्‍या ङोजा मीझ्‍यीदा, राङला च्‍यीगा साम्‍दी ॱमीच्‍यीकी शा-थुङ झ्‍यीदालाक। देक्‍या नी, ॱलुङगी ताक्‍ती खेरकीन क्षु मेगीन ॱरीङबाक्‍या च्‍योक्‍रे लाक धेनी तो़न्‍गागी ढेबु मेगीन थेङमा ॱङी स्‍यीछासा, चावाने कोक्‍का स्‍यीङदोङ च्‍योक्‍रे लाक।

ॱङो़न्‍पा 19:20

धेनी होदे सेम्‍चेन धाङ होदेगी छापला ॱहाङसागीन लेगा तो़न्‍गीन, ॱङो़नस्‍येखेन शोक्‍पो ॱङीगाराला शीम्‍बालाक। धेनी होदे ॱङो़नस्‍येखेन शोक्‍पोगी़ राङगी ॱहाङसागीन लेगाक्‍याई थोक्‍ने, होदे सेम्‍चेनगी ताक लेन्‍ला धाङ होदेगी कुला क्षाक्‍क्षो़पा पुगीनक्‍याला ॱली़ हो़तालाक। दे ॱङीगाराला मे भारती धेता मुशेगी छोला सो़न्‍पो ॱयुक्‍पालाक।