एफीसुपा 4:12 - ॱलोवा

¹² मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:12 Iomraidhean Croise

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

जेपा 1:17

होराङक्‍या च्‍योक्‍रे चोवोगी कुछाप च्‍युङङीने च्‍यीक लाक। धेनी होराङ च्‍योक्‍रे, चोवोगी लेगा झ्‍यीयेला खोवाः दाम हो़तालाक।”

जेपा 11:23

होदुरु ॱलेप्‍ती को़न्‍क्षोकगी थुक्‍जेगी ढेबु थोरी, खो ॱमीच्‍यीकी ङ्यामो घेवालाक धेनी धेपा-झ्‍यीगीनक्‍याला धोराङा चोवोगी नाङ तेन्‍पो झ्‍युरी धेयेला सेमस्‍युक पारपालाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

रोमापा 12:7

धेनी श्‍याप्‍ची श्‍युये हीन्‍ना श्‍याप्‍ची श्‍यी़ धेनी ॱलोप्‍चुङ तेरये हीन्‍ना ॱलोप,

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 15:14

ङी पी़नक्‍याओ, खेक्‍या शाङा धाङ स्‍येयो़नगी खाङखा धाङ च्‍यीकगी च्‍यीकला ॱलोप्‍तो़न झ्‍यी थुप्‍कीन दुक ॱनेरी, ङाला यीच्‍चे तेन्‍पो हो़क।

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

रोमापा 15:29

धेनी ङा खेक्‍याचारु हुङाराङ, मास्‍यीकागी झ्‍यीलापगी फी़न्‍सुम छोक्‍पा झ्‍युरी हुङगीलाक ॱनेरी, ङाला स्‍येयेहो़क।

१ कोरीन्‍थुपा 12:27

धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

१ कोरीन्‍थुपा 12:7

घीरीला फेन्‍थोक्‍येगी क्षीदु मी रे-रेला धाम्‍पे थुक्‍ङी नी, ॱङो़न जे हो़तालाक।

१ कोरीन्‍थुपा 14:12

देरेराङ झ्‍येरी खेक्‍या धाम्‍पे थुक्‍ङीगी ॱनाङज्‍यीनक्‍या थोप्‍येगी क्षीदु दो़पा क्षे झ्‍युङगीन झ्‍येरी, खेक्‍याः क्षो़छोक यारके ताङयेगी ॱनाङज्‍यीनक्‍या चायेला ची़न्‍डी़ झ्‍यी।

१ कोरीन्‍थुपा 14:14

घीझ्‍येरी ॱनाना ङा केरीक श्‍येम्‍मागी थोक्‍ने ॱमो़लाम श्‍यी़वाराङ, ङी सेम्‍ङीगी ॱमो़लाम श्‍यी़लालाक हीना ङी रीक्‍पागी ॱहामेघोरालाक।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

२ कोरीन्‍थुपा 12:19

धान्‍दा थुक्‍पे हेक्‍या खीकी दोङदु राङगी क्‍यो़न मेगीनगी कोरला, सेस्‍ये झ्‍यीगीनगो खेक्‍या सामाले? हेक्‍या नी मास्‍यीकागी नाङ को़न्‍क्षोकगी डुङदु ॱनीहो़क। चेवेक्‍याओ, दे घीरी खेक्‍याला यारके ताङयेगी क्षीदु लाक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 13:9

धेनी हेक्‍या क्‍योवा झ्‍युङाराङ हीना खेक्‍या स्‍युक्‍क्षे झ्‍युङाराङ, हेक्‍या ङ्यामो घी हो़क। धेनी खीकी यारकेगी क्षीदु हेक्‍या ॱमो़लाम ग्‍यावीहो़क।

२ कोरीन्‍थुपा 3:8

धा हुरे हीन्‍ना धाम्‍पे थुक्‍ङीगी क्षाक्‍लेगो, क्षो़ठीम ले ल्‍हाक शीजेक्षे मेयोङगीले?

२ कोरीन्‍थुपा 4:1

होझ्‍येरी को़न्‍क्षोकगी ॱङीङजेगी गोने, हेक्‍याला दे श्‍याप्‍ची दे थोप्‍ती हेक्‍या सेमस्‍युक ॱमेक्षाक।

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

२ कोरीन्‍थुपा 6:3

हीकी श्‍याप्‍तोकला क्‍यो़न ॱमेफोक्‍वास्‍योक ॱनेरी, हीकी सी़याः लामला भारचे ॱमाकाहो़क।

२ कोरीन्‍थुपा 7:1

चेवे पी़नक्‍याओ, होराङक्‍याला धाम्‍चा देक्‍या हो़गीन झ्‍येरी, होराङक्‍या राङगी ली़ धाङ सेम्‍ङीला ॱमेचाङा शोगीन घीरीने, राङला चाङमा शोउ धेनी को़न्‍क्षोकला ॱङीङकुर झ्‍येरी, धाम्‍पे नाङ फी़न्‍सुम छोक्‍पा झ्‍युरी सोङ।

एफीसुपा 1:23

दे क्षो़छोक नी, खोङबागी कुसोक च्‍योक्‍रे लाक धेनी घीरी खाङा जेगीन, मास्‍यीकागी थोक्‍नेराङ क्षो़छोक फी़न्‍सुम छोक्‍पा जेपालाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 4:17

धेनी आरकीप्‍पोला, “चोवोगी गोने ख्‍यो़ला थोप्‍था लेगेनगो, ख्‍यी़ घाङगी झ्‍येरी हीन्‍ना डुप्‍पा झ्‍यी।” ॱनेरी ॱनो़।

१ तीमोथेउ 1:12

ङाला स्‍युक ॱनाङगीन, होरी चोवो मास्‍यीका येशुला ङा थुक्‍चीछे पुलाहीन। घीझ्‍येरी ॱनाना एम्‍मा, ङा को़न्‍क्षोकला कुरवा धेप्‍कीन च्‍यीक धाङ दुक्‍जोङ ताङगीन धाङ मी चुपो च्‍यीक झ्‍येरीयाः, खोङबागी श्‍याप्‍चीला ङाला को़ जेदी, खोङबागी ङाला ॱलोते जेसोङ।

२ तीमोथेउ 4:11

लुका च्‍यीगा ङीमुला हो़क। ङी श्‍याप्‍तोकगी लेगाला, मारकु ङाला फेन थोक्‍वा झ्‍येरी, खोला चारी ख्‍यी़मुला ठीक्‍ती स्‍योक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।