एफीसुपा 4:11 - ॱलोवा

¹¹ धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

एफीसुपा 4:11 Iomraidhean Croise

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

जेपा 13:1

आन्‍तीयोक ग्‍याजागी क्षो़छोकला, ॱङो़नस्‍येखेनक्‍या धाङ ॱलोपो़नक्‍या माङा हो़तालाक। खुङक्‍या बारनाबा धाङ नीगार सीमेयोन धाङ कुरेनेगी लुकीहु धाङ ग्‍यावु हेरोदेमुला छारछा, मानाहेन धाङ साउल लाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 21:8

ॱङेटोगो होदेने घोङपा श्‍युरी, हेक्‍या केसारयारु ॱलेप्‍पालाक। धेनी होदुरु हेक्‍या क्षो़ स्‍येगीन फीलीपगी नाङदु धेबी। फीलीपगो येरुसालेमदु श्‍याप्‍तोक पुयेला दाम्‍दा, मी धी़नने च्‍यीक लाक।

रोमापा 12:7

धेनी श्‍याप्‍ची श्‍युये हीन्‍ना श्‍याप्‍ची श्‍यी़ धेनी ॱलोप्‍चुङ तेरये हीन्‍ना ॱलोप,

१ कोरीन्‍थुपा 12:4

धा ॱनाङज्‍यीनक्‍या ॱना माङा हो़तालाक हीना देक्‍या ॱनाङगीन, धाम्‍पे थुक्‍ङीगो च्‍यीकराङ हो़तालाक।

एफीसुपा 2:20

दे नाङमीगी ॱमाङस्‍यीगो कुछापक्‍या धाङ ॱङो़नस्‍येखेनक्‍याई, खाला चीक हो़तालाक धेनी मास्‍यीका येशु खोङबाराङगो चो शुरधोगो लाक।

एफीसुपा 3:5

धेनी साङवा दे, एम्‍मागी मीरापला ॱङो़न्‍दु माजेपालाक हीना धान्‍दा धाम्‍पे थुक्‍ङीगी गोने, खोङबागी धाम्‍पे कुछापक्‍या धाङ ॱङो़नस्‍येखेनक्‍याला, को़न्‍क्षोकगी ॱङो़न्‍दु जेपालाक।

एफीसुपा 4:8

दी कोरला सुङरापला देरे सुङ हो़तालाक, “खोङबा नाम्‍खे श्‍यीङखाम थोकला फेवी घाङला, चो़न्‍पागी छोक ठीया जेपालाक। धेनी मीक्‍याला ॱनाङज्‍यीनक्‍या ॱनाङा जेपालाक।”

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 5:12

घीझ्‍येरी ॱनाना धान्‍दा थुक्‍पे ता खेक्‍या ॱलोप्‍गीन झ्‍युङ घो़येहो़क हीना खेक्‍याला को़न्‍क्षोकगी कागी ॱमाङस्‍यीक्‍या धाब्‍ले ॱलाप्‍कीन च्‍यीक घोयेदुक। खेक्‍याला शामा दोक-दोक मेन्‍दा, होमा घोयेदुक।

युदा 1:17

हीना चेवे पी़नक्‍याओ, खेक्‍यागो होरी चोवो येशु मास्‍यीकागी कुछापक्‍याई, एम्‍माने सुङगीन काक्‍याला ढेन्‍सो़ झ्‍यी।

ॱङो़न्‍पा 18:20

के नाम्‍खे श्‍यीङखाम, मी़ ठीम्‍चो़ला ङ्यामो घो़। के धाम्‍पे मीक्‍या धाङ कुछापक्‍या धाङ ॱङो़नस्‍येखेनक्‍या ङ्यामो घो़। खेक्‍याला ॱङ्याप्‍चो़ झ्‍यीगीनगोला, को़न्‍क्षोकगी मोला ठीम्‍चो़ जेदुक।’”

ॱङो़न्‍पा 21:14

होदे ग्‍याजागी च्‍यारीगोला ॱमाङस्‍यी च्‍युङङी हो़तालाक धेनी होदे ॱमाङस्‍यी खाला लुक्‍टुगी, कुछाप च्‍युङङीक्‍याई मीङ ढीक हो़तालाक।