एफीसुपा 4:1 - ॱलोवा

¹ होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 4:1 Iomraidhean Croise

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 11:29

घीझ्‍येरी ॱनाना को़न्‍क्षोकगी ॱनाङज्‍यीन धाङ भो़ जेगीनला ग्‍युरये मेतालाक।

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

१ कोरीन्‍थुपा 4:16

होझ्‍येरी, ङा खेक्‍याला ङी लेमो झ्‍यी ॱनेरी कुलाहीन।

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

२ कोरीन्‍थुपा 6:1

हेक्‍या को़न्‍क्षोकगी लेरोक हीन्‍गीन झ्‍येरी, हेक्‍या खेक्‍याला को़न्‍क्षोकगी थुक्‍जेगो दो़न्‍मेदु मालेन ॱनेरी, श्‍योवा पुलाहीन।

गालातीयापा 4:12

पी़नक्‍याओ, ङा खेक्‍या च्‍योक्‍रे दे घीरीने थारकीन च्‍योक्‍रे, खेक्‍याः ङा च्‍योक्‍रे झ्‍युङरो झ्‍यी ॱनेरी, ङा खेक्‍याला श्‍योवा पुलाहीन। खेक्‍यागी ङाला आ घीयाः माझ्‍येजुङ।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 3:14

मास्‍यीका येशुगी नाङ को़न्‍क्षोकगी नाम्‍खे श्‍यीङखामने, भो़पा ज्‍यागा थोप्‍येगी क्षीला, ङा ॱमीक्‍यु देला स्‍युक ग्‍याप्‍ती डी़हो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 2:6

होझ्‍येरी खीकी मास्‍यीका येशुला चोवो ॱनेरी, खेलेन झ्‍येजा च्‍योक्‍रे, धा मास्‍यीकागी नाङ मीछे पी़।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

तीतोस 2:10

लाक्‍पा चाङमा धाङ ॱलो का थुप्‍कीन झ्‍युरी, तो़न घो़गीलाक। धेनी होरी क्‍योप्‍खेन को़न्‍क्षोकगी कोरला ॱलापच्‍या तेरतागोला, घारु हीन्‍ना खुङक्‍याई घुस्‍याप झ्‍यीगीलाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ योहान्‍ना 1:5

धा चेवे भोमो, ङा ख्‍यो़ला काठीम साबा च्‍यीक ढीयामेन हीना एम्‍माने होरीमुला हो़गीन, काठीमगो राङ ढीयाहीन। खेक्‍या च्‍यीकगी च्‍यीकला झाम्‍पा झ्‍यी ॱनेरी, ङा श्‍योवा पुलाहीन।