एफीसुपा 3:20 - ॱलोवा

²⁰ धा होरी नाङदु ले डुप्‍कीन नी़थुगी गोने, होरी श्‍यी़गीन धाङ साम्‍गीनने ल्‍हाक मेछो़ली जे थुप्‍कीन को़न्‍क्षोकला,

एफीसुपा 3:20 Iomraidhean Croise

मेथा 3:9

‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 4:21

धेनी को़न्‍क्षोकगी जेजा धाम्‍चागो जे थुप्‍कीन नी़थु, खोङबाला हो़तालाक ॱनेरी आब्‍राहाम तेन्‍देन हो़तालाक।

१ कोरीन्‍थुपा 2:9

घीहीन्‍ना सुङरापदु देरे ढीक हो़तालाक, “ॱमीकगी ॱमाथोथा धाङ आमच्‍योकगी ॱमाघोरका, धाङ मीगी सेमगी ॱमासाम्‍साक्‍याराङ, को़न्‍क्षोकगी राङला चेवा झ्‍यीगीनक्‍याला डाढीक जे हो़तालाक।”

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

एफीसुपा 1:19

होराङ धेपा झ्‍यीगीनक्‍याई क्षीला, खोङबागी ची ॱमेथेप्‍कीन ॱहालेवे नी़थुगो, घी हीन्‍गीनगो स्‍येये क्षीदु लाक। दे ॱहालेवे नी़थुने राङ

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

ईब्‍रीपा 11:19

को़न्‍क्षोकगी मीक्‍याला छीवाने याङ सो़न्‍पो जे थुक्‍वालाक ॱनेरी, आब्‍राहामगी साम्‍बालाक धेनी खी़ साम्‍गीन च्‍योक्‍रे, ईसाकला छीवाने धाब्‍ले थोप्‍पालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

याकोब 4:12

क्‍योप जे थुप्‍कीन धाङ मेताला जे थुप्‍कीन क्षो़ठीम ॱनाङगीन धाङ ठीम्‍पो़न च्‍यीक च्‍यीगा हो़क। हीना राङगी खीम्‍चेला क्‍यो़न चुक्‍कीन, ख्‍यो़ सु हीनो?

२ पेटो 1:11

धेनी होझ्‍येरी खेक्‍याला होरी चोवो धाङ क्‍याम्‍गो़न येशु मास्‍यीकागी, थामेपे ग्‍यासी नाङदु सी़याङ खाक्‍क्षे थोप्‍कीलाक।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,