एफीसुपा 3:2 - ॱलोवा

² खेक्‍याई क्षीला को़न्‍क्षोकगी थुक्‍जेगी लेगेनगो, ङाला ॱनाङ हो़गीनगी कोरला, खेक्‍याई घोर हो़तालाक ॱनेरी ङी सामीहो़क।

एफीसुपा 3:2 Iomraidhean Croise

जेपा 13:2

खुङक्‍या ॱङ्युङनेला श्‍युक्‍ती चोवोला तो़पा पुरी धेदी घाङला, धाम्‍पे थुक्‍ङीगी होदेक्‍याला सुवालाक, “बारनाबा धाङ साउलला ङी खुङक्‍याला भो़पा लेगागी क्षीदु पेरी श्‍योक।”

जेपा 13:46

हीना पाउलु धाङ बारनाबागी ॱयोल्‍ले जीक्‍टा ॱमीझ्‍यीदा ॱनेवालाक, “खेक्‍याचारु एन्‍ला को़न्‍क्षोकगी का स्‍येघोये हो़क हीना खेराङक्‍याई माङेन्‍बालाक। खेराङक्‍या राङला थामेगीन छेसोकगो थोप्‍ये मेगीन शो़वालाक, होझ्‍येरी हेक्‍या श्‍येम्‍मा मीरीकगी मीक्‍याचारु डोवालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

जेपा 9:15

धेनी चोवोगी खोला सुवालाक, “सोङ, घीझ्‍येरी ॱनाना याहुदापा मेन्‍गीन मीरीकक्‍या धाङ ग्‍यावुक्‍या धाङ ईस्‍राएल्‍पाक्‍याचारु, ङी कोरला स्‍येयेला खो नी ङी दाम्‍दा लाक्‍चा हीन।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 11:13

धा ङा खे याहुदापा मेन्‍गीनक्‍याला देक्‍या ॱनाहीन। याहुदापा मेन्‍गीनक्‍याई क्षीदु ङा कुछाप च्‍यीक झ्‍येरी, ङा ङारी श्‍याप्‍चीला थोङक्षे चीलीहो़क।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

१ कोरीन्‍थुपा 4:1

मीक्‍याई हेक्‍याला मास्‍यीकागी श्‍याप्‍चीपा धाङ को़न्‍क्षोकगी साङवे दो़नक्‍याई, ॱङेरपा च्‍योक्‍रे चीघो़।

गालातीयापा 1:13

एम्‍मा ङा याहुदापा क्षो़लुक चीली घाङला, ङी को़न्‍क्षोकगी क्षो़छोकला ॱमीच्‍यीकी जीक्‍टाक्षे दुक्‍पु तेरकीन धाङ होदेला मेताला ताङयेला थापस्‍यी झ्‍यीगीनगो, खेक्‍याई घोर हो़तालाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

एफीसुपा 4:21

येशु नाङ हो़गीन धेन्‍पाला तेन्‍ती, खेक्‍याई खोङबागी कोरला ङेन हो़तालाक धेनी ॱलाप हो़तालाक।

एफीसुपा 4:7

हीना थुक्‍जेगो होराङ रे-रेला मास्‍यीकागी ॱनाङज्‍यीनगी, छेला तेन्‍दी ॱनाङ हो़तालाक।

कोलोसेपा 1:4

घीझ्‍येरी ॱनाना मास्‍यीका येशुगी खाला, खीकी धेपा धाङ धाम्‍पे मीक्‍या घीरीला खीकी चेवागी कोरला हीकी घोरहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:11

दे ताम्‍शाङगी क्षीलाराङ ङा क्षो़ सेटाक झ्‍यीगीन, धाङ कुछाप धाङ ॱलोपो़न च्‍यीक को़वाहीन।