एफीसुपा 3:14 - ॱलोवा

^14-15 होझ्‍येरी ॱनाम्‍सा ॱङी नाङला हो़गीन, नाङमी रे-रेला यापने मीङ झ्‍युजा, खोङबागी डुङदु ङी पीमु साला चुक्‍ती ङा ॱमो़लाम श्‍यी़लाहीन।

एफीसुपा 3:14 Iomraidhean Croise

लुका 22:41

धेनी येशु खुङक्‍या धेजाने च्‍यीमे ॱहाला फेप्‍ती, पी़मु साला चुक्‍ती देरे सोवा ताप्‍पालाक,

जेपा 20:36

दे ॱनेसारती पाउलु खोङ घीरीमुला पीमु चुक्‍ती ॱमो़लाम ग्‍याप्‍पालाक।

जेपा 21:5

घीहीन्‍ना, धी़न्‍डा च्‍यीक जोक्‍ती हेक्‍या खुङक्‍याने घोङपा श्‍युरी डोये झ्‍येवी। धेनी धेपा-झ्‍यीगीन आज्‍यो-नो, ईजी-नुमु धाङ टुवा घीरी हेक्‍याला, ग्‍याजा फी थुक्‍पे क्‍यारु होवालाक। धेनी हेक्‍या घीरी ग्‍याछोगी थामारु पीमु चुक्‍ती ॱमो़लाम ग्‍याप्‍पी।

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

जेपा 9:40

पेटोगी खुङ घीरीला फीला तो़न्‍दी, पीमु चुक्‍ती सोवा ग्‍याप्‍पालाक। धेनी फुङबु स्‍योकला तेरी ॱनेवालाक, “ताबीथा लोङ।” धेनी मी़ ॱमीक तेवालाक धेनी पेटोला थोरी मो लावालाक।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

फीलीप्‍पीपा 2:10

होझ्‍येरी ॱनाम धाङ सा धेनी सा तीङला हो़गीन घीरीगी, येशुगी छेनला पीमु चुक्‍ती क्षाक छाघो़।