एफीसुपा 3:11 - ॱलोवा

¹¹ दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

एफीसुपा 3:11 Iomraidhean Croise

रोमापा 9:11

धेनी टु छीब्‍रु दे ॱङीउ ॱमाके एन्‍लाराङ धेनी शाङा-ङेन्‍पा घीया माझ्‍ये एन्‍ला, को़न्‍क्षोकगी राङगी थुकोङला तेन्‍दी रेबीकाला देरे सुवालाक, “भीजा क्षेगी च्‍युङाला श्‍याप्‍ची श्‍युगीलाक।” दी दो़न नी, खोङगी दामा जेगीनगो लेने मेन्‍दा हीना राङगी भो़ जेगीनला तेन्‍दी डुप्‍येगी क्षीदु लाक।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।