एफीसुपा 2:8 - ॱलोवा

⁸ घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

एफीसुपा 2:8 Iomraidhean Croise

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 20:9

धेनी छुची ॱङावाला होवा मीलाकक्‍या होरी खुङक्‍याला ङीन्‍घाङगी ॱलाज्‍या जोरपालाक।

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 7:50

धेनी खोङबागी होदे केमीला सुवालाक, “ख्‍यो़री धेपागी ख्‍यो़ला क्‍योप्‍पालाक। धा श्‍यीदेला सोङ।”

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 4:10

येशुगी मोला सुवालाक, “ख्‍यी़ को़न्‍क्षोकगी ॱनाङज्‍यीन धाङ ख्‍यो़ला ‘क्षु तेरोझ्‍यी’ ॱनागीनगो सु हीन्‍गीनगो स्‍येहो़ना, ख्‍यी़ खोङला श्‍यी़ हो़टो धेनी खोङगी ख्‍यो़ला सो़न्‍पो क्षुगो ॱनाङ हो़टो।”

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:35

येशुगी खुङक्‍याला सुङा जेपालाक, “ङा नी छेगी ग्‍याङगा हीन। ङीचारु हुङगीन ॱमेतोक्‍कीलाक धेनी ङाला धेपा झ्‍यीगीनगो नामा ॱमेकोम्‍गीलाक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:44

ङाला ॱङाक्‍कीन यापगी, ङीचारु मीक्‍या ठीक्‍ती हुङा मेजेनाः, ङी डुङदु सुवा हुङ ॱमीथुक्‍कीलाक। धेनी थामे ङीमाला ङा खुङक्‍याला सो़न्‍पो ॱलाङयेहीन।

योहान्‍ना 6:65

धेनी खोङबागी सुवालाक, “होझ्‍येरी ‘यापगी ॱमानाङ हो़ना, ङीचारु सुवा हुङ ॱमीथुक्‍कीलाक’ ॱनेरी ङी खेक्‍याला ॱनेवाहीन।”

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 15:11

हीना खुङक्‍याला क्‍योप्‍कीन च्‍योक्‍रे, होराङक्‍याः चोवो येशुगी थुक्‍जेने क्‍योप्‍कीलाक ॱनेरी होराङ धेपा झ्‍यीदालाक।”

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

जेपा 16:31

खुङक्‍याई ॱनेवालाक, “चोवो येशुला धेपा झ्‍यी धेनी ख्‍यो़ला थारपा थोप्‍कीलाक। दे ख्‍यो़ धाङ ख्‍यी़ नाङमी घीरीगी क्षीला थारपालाक।”

रोमापा 10:14

धा ॱहाना खोङला धेपा माझ्‍येगीनक्‍याई, खोङला घाङगी झ्‍येरी भो़गुलाक से? धेनी खोङगी कोरला घोर माङ्युङगीनक्‍याई, घाङगी झ्‍येरी खोङला धेपा झ्‍यीगुलाक से? धेनी का सेटाक झ्‍यीगीन मेताला, घाङगी झ्‍येरी खुङक्‍याई ङेन्‍गुलाक से?

रोमापा 10:17

होझ्‍येरी धेपा नी घोरकीनने हुङालाक धेनी घी घोरकीनगो मास्‍यीकागी काने झ्‍युङालाक।

रोमापा 4:16

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

रोमापा 4:5

हीना लेगा मीझ्‍यीगीन धाङ क्षो़ ॱमीचीगीनक्‍याला ढाङपो जेगीन को़न्‍क्षोकला, धेपा झ्‍यीना होदे मीगी धेपागो ढाङपो चीलालाक।

रोमापा 9:16

होझ्‍येरी दे नी मीगी दो़पा याङना थापस्‍यीला रा मीली़दा, हीना ॱङीङजे जेगीन को़न्‍क्षोकला रा ली़दालाक।

गालातीयापा 3:14

आब्‍राहामला ॱनाङना झ्‍यीलापगो मास्‍यीकागी थोक्‍ने, याहुदापा मेन्‍गीन मीरीकक्‍याला थोबास्‍योक धेनी धेपागी थोक्‍ने होराङला धाम्‍चा जेजा धाम्‍पे थुक्‍ङीगो थोबास्‍योक ॱनेरी, मास्‍यीका येशुगी होराङला ॱली़री थारपा जेपालाक।

गालातीयापा 3:22

हीना मी घीरी धीक्‍पागी होकला ॱनेम हो़तालाक, ॱनेरी सुङरापगी ॱनालाक होझ्‍येरी को़न्‍क्षोकगी धाम्‍चा दे, येशु मास्‍यीकाला धेपा झ्‍यीगीनक्‍याला थोप्‍कीलाक।

एफीसुपा 1:19

होराङ धेपा झ्‍यीगीनक्‍याई क्षीला, खोङबागी ची ॱमेथेप्‍कीन ॱहालेवे नी़थुगो, घी हीन्‍गीनगो स्‍येये क्षीदु लाक। दे ॱहालेवे नी़थुने राङ

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

२ थेसालोनीकेपा 1:9

चोवोगी ॱमीक्‍वाने धाङ खोङबागी शीजेगी वाङने, खा टारी खुङक्‍याला थामेगीन छीवागी छेपा फोक्‍कीलाक।

ईब्‍रीपा 6:4

घीझ्‍येरी ॱनाना थेङ च्‍यीक को़न्‍क्षोकगी हो़ थोप्‍सासा धाङ नाम्‍खे श्‍यीङखामगी ॱनाङज्‍यीनगो, ङ्यामङ्युङ झ्‍येसासाक्‍या धाङ धाम्‍पे थुक्‍ङीगी कादा जोरसासाक्‍या,

१ पेटो 1:5

धेनी खीकी धेपागी गोने को़न्‍क्षोकगी नी़थुगी, खेक्‍याला थामे धी़ला ॱङो़न्‍ये हीन्‍गीन थारपागी क्षीदु ॱरुरी श्‍याक हो़तालाक।