एफीसुपा 2:4 - ॱलोवा

⁴ हीना ॱङीङजेला फी़न्‍सुम छोक्‍पा हो़गीन, को़न्‍क्षोकगी राङगी झाम्‍पा ग्‍याक्षेगी थोक्‍ने, होराङला चेवा जेपालाक।

एफीसुपा 2:4 Iomraidhean Croise

लुका 1:78

होरी को़न्‍क्षोकगी झाम ॱङीङजेगी झ्‍येरी, खोङबागी थारवे हो़क नाम्‍खे श्‍यीङखामने ताङा जेगीलाक,

रोमापा 10:12

घीझ्‍येरी ॱनाना याहुदापा धाङ याहुदापा मेन्‍गीनक्‍याई नाङ ॱयेवा मेतालाक। घीरीगी चोवो नी, च्‍यीक राङ लाक धेनी खोङगी छेन भो़गीन घीरीला झ्‍यीलाप मेछो़ली ॱनाङालाक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

१ तीमोथेउ 1:14

होरी चोवो येशुगी थुक्‍जे, मास्‍यीका येशुने झ्‍युङगीन धेपा धाङ झाम्‍पामुला, ङाला मेछो़ली ॱनाङा जेसोङ।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।