एफीसुपा 2:2 - ॱलोवा

² होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

एफीसुपा 2:2 Iomraidhean Croise

मेथा 11:19

मी-भु नी शा-थुङ झ्‍येरी होवालाक धेनी खुङक्‍याई, ‘खोला तो़दाङ, शान्‍डे धाङ क्षाङदुवा धेनी ठा धुगीन धाङ धीक्‍चेनक्‍याई रोवा।’ ॱनेरी ॱनालाक। हीना स्‍येराप दे होदेगी लेगागी थोक्‍ने, याङदाक्‍पा हीन्‍गीनगो खुङ केलालाक।”

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मेथा 13:38

श्‍यीङगो जीक्‍तेन लाक। धेनी साङा शाङपोक्‍या ग्‍यासी टुवाक्‍या लाक। युक्‍पुक्‍या धी़कगी टुवाक्‍या लाक।

मारकु 4:19

हीना जीक्‍तेनगी दुङा धाङ ग्‍युनोरला घागीन धाङ श्‍येम्‍मा ॱनाछोकगी दो़छाकगी झ्‍येरी, कागो छारतु ॱमीच्‍युक्‍कीलाक धेनी होदेने ढेबु ॱमेकेगीलाक।

लुका 16:8

धा दाक्‍पोगी़ होदे ॱङेरपा मेढाङाला राङगी क्षीला, देरे चाङग्‍यु झ्‍यीगीनगोला तो़टा तावालाक। घीझ्‍येरी ॱनाना दे जीक्‍तेनगी मीक्‍या राङगी च्‍योक्‍रेक्‍यामुला चाङग्‍यु झ्‍यीयेला, हो़गी टुक्‍याने खेवा हो़तालाक।

लुका 22:31

होदे स्‍याम्‍ने येशुगी सुवालाक, “सीमोन, सीमोन! दुरु ङेन! सातानगी ख्‍यो़ला ढो च्‍योक्‍रे होछारयेला श्‍यी़दुक।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 13:2

घोमो श्‍येलाक श्‍येयेगी धी़ला, सीमोनगी भीजा युदा ईस्‍कारीयोतगी सेमला धी़कगी, येशुला डा लाकला ची ग्‍याप्‍येगी साम्‍लो श्‍याक्‍छारालाक।

योहान्‍ना 13:27

ग्‍याङगागी दुबुगो लेन्‍लुङ मेताला युदागी नाङदु धी़क जुवालाक। धेनी येशुगी खोला सुवालाक, “ख्‍यी़ घी झ्‍यीये हीन्‍गीनगो ग्‍योक्‍जे झ्‍यी।”

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 15:19

खेक्‍या जीक्‍तेनगी हीन्‍गीनगो हीन्‍ना, जीक्‍तेनगी राङगी हीन्‍गीनगोला झाम्‍पा झ्‍यीयेहो़क हीना खेक्‍या जीक्‍तेनगी मालाक। ङी जीक्‍तेनने खेक्‍याला दाम्‍दा झ्‍येरी जीक्‍तेनगी खेक्‍याला दाङा झ्‍यीदालाक।

योहान्‍ना 16:11

धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।

योहान्‍ना 7:7

जीक्‍तेनगी खेक्‍याला दाङा झ्‍यी ॱमीथुक्‍कीलाक हीना ङी जीक्‍तेनगी लेगाक्‍या ङेन्‍पा हीन्‍गीनगी पाङपो झ्‍येरी, ङाला दाङा झ्‍यीदालाक।

योहान्‍ना 8:23

येशुगी खुङक्‍याला सुङा जेपालाक, “खेक्‍या होकने हीन धेनी ङा तो़ने हीन। खेक्‍या दे जीक्‍तेनगी लाक धेनी ङा दे जीक्‍तेनगी मेन।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

जेपा 19:35

धेनी स्‍याम्‍ला होदे ग्‍याजागी पो़न्‍पो च्‍यीकगी, मीमाङक्‍याला खाबा शो़री ॱनेवालाक, “एफीसुगी मीक्‍याओ, दे एफीसुगी ग्‍याजा दे आरतीमी ल्‍हामोगी ल्‍हाखाङ धाङ ॱनामने भाप्‍पा, खोङबागी कु देगी ग्‍याजा लाक ॱनेरी सुला क्षा मेतालाक से?

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

१ कोरीन्‍थुपा 5:10

होदेगी दो़न्‍दाकगो दे जीक्‍तेनगी लोक्‍येम्‍पाक्‍या धाङ ॱहाम्‍बा झ्‍यीगीनक्‍या धाङ ॱली़गीनक्‍या धाङ कुन्‍डाला क्षो़गीनक्‍या, मुला फुक्‍की ढेवा माझ्‍यी ॱनेरी ॱना मालाक। देरे झ्‍यीये हीन्‍ना, खेक्‍या दे जाम्‍लीङ देनेराङ थो़न्‍दी डोघोगुलाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

एफीसुपा 1:21

धेनी खोङबागी मास्‍यीकाला ठीम धाङ वाङ धेनी नी़थु धाङ ग्‍यासी घीरी धेनी दे धी़रापगी च्‍यीगा मेन्‍दा, माउपारगी धी़रापला हुङगीन छेन घीरीले थो़स्‍योक को़ जेपालाक।

एफीसुपा 2:11

होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

एफीसुपा 2:13

हीना होदे धी़ला, खेक्‍या मास्‍यीका येशुने थाक्‍रीङा हो़गीनक्‍या, धान्‍दा मास्‍यीकागी कुठाकगी गोने ङ्येला ठीक हो़तालाक।

एफीसुपा 2:3

खुङक्‍याई घुङदु होराङ घीरीयाः राङगी दो़क्षाकगी वाङ होकदु धेदी, राङगी ली़सेमगी दो़पाला थी़न्‍गीन लेगाक्‍या एम्‍मा झ्‍यीदालाक। धेनी मी श्‍येम्‍माक्‍या च्‍योक्‍रे, होराङक्‍याला को़न्‍क्षोकगी थुक्‍ठो़ फोक घोये हो़तालाक।

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

एफीसुपा 6:12

घीझ्‍येरी ॱनाना होरी ॱमाक्‍ठुक नी स्‍याठाकगी मीमुला मालाक हीना पो़न्‍रीकक्‍या धाङ वाङ झ्‍यीगीनक्‍या धेनी जीक्‍तेन देगी मी़नाकगी वाङ झ्‍यीगीनक्‍या, धाङ नाम्‍खाक्‍याला हो़गीन ङेन्‍पागी सेम्‍ङीगी ॱमाक्‍मीक्‍यामुला लाक।

कोलोसेपा 1:21

एम्‍मा खेक्‍या ले ङेन्‍पा झ्‍येरी को़न्‍क्षोकने, खा डारी ग्‍याङदु सोरी, राङगी सेमने खोङला डा शीम्‍बालाक।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।

याकोब 1:27

होरी याप को़न्‍क्षोकगी डुङदु चाङमा धाङ क्‍यो़न मेगीन क्षो़ नी, काल्‍ले ठेदी धेता दोजेक्‍या धाङ युक्‍जामाक्‍याला, तादोक झ्‍यीये धाङ राङला जीक्‍तेनगी ॱमेचाङाने ॱरुङये लाक।

याकोब 1:7

होरे मीगी राङला चोवोने च्‍यीक रे थोप्‍टु ॱनेरी ॱमासाम्‍घो़।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

१ पेटो 1:14

खेक्‍या टुवा खाला ङेन्‍पोक्‍या च्‍योक्‍रे, एम्‍मा खीकी ॱमास्‍येवाला झ्‍येजा दो़छाकक्‍याला याङ खेक्‍या माडे।

१ पेटो 4:3

घीझ्‍येरी ॱनाना खेक्‍याई एम्‍मा धेपा मीझ्‍यीगीन मीक्‍या च्‍योक्‍रे, लोक्‍येम धाङ दो़क्षाक धाङ रा शीगीन धाङ क्षोमेगीन तेमो धाङ क्षाङ-आराकगी थुक्‍ठो़ धाङ आम्‍लोवा ल्‍हाकुन्‍डाला क्षो़गीन लेगाक्‍याला धी़चो़ माङा क्‍यावालाक।

२ पेटो 2:14

लोक्‍येमगी खाङखा खुङक्‍याई ॱमीकगी धीक्‍पा झ्‍यीयेला, नामा छाम मेश्‍यालाक। धेनी तेन्‍पो मेगीन सेम हो़गीनक्‍याला, खुङक्‍याई ॱली़लालाक। खुङक्‍याई सेम सेन्‍ना झ्‍यीयेला घोम हो़तालाक धेनी खुङक्‍या ॱमेमो फोक्‍पा भुटुक लाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:14

धेनी सेम्‍चेन धाङपोगी छापला ॱहाङसागीन ताकक्‍या तो़न्‍येगी नी़थु, खोला तेर हो़तालाक धेनी दी थोक्‍ने, होदेगी साश्‍यीगी मीक्‍याला ॱली़वालाक। धेनी राल्‍डीगी ॱमा शो़रीया सो़न्‍पो झ्‍युजा सेम्‍चेन धाङपोला, ॱमीक्‍ती कु शोयेला होदेगी मीक्‍याला कुवालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 16:17

धेनी नाम्‍खे भाङछेन धी़न्‍बागी़ राङगी फोरागो, ॱलुङला पो़वालाक। धेनी क्षो़खाङगी श्‍युक्‍ठीने, सुङकेक क्षे च्‍यीकगी देरे सुवालाक, “धा जोक्‍सो।”

ॱङो़न्‍पा 20:2

खोङबागी होदे डुक याङना एम्‍मा-एम्‍मागी डु याङना डे याङना धी़क सातानगोला शीम्‍बालाक धेनी लो च्‍यीक तोङगी क्षीदु, कीक्‍ती श्‍याक्‍पालाक।