एफीसुपा 2:19 - ॱलोवा

¹⁹ होझ्‍येरी धा देने ॱहाला, खेक्‍या यु श्‍येम्‍मागी मी याङना ङो ॱमेस्‍येगीन मी मालाक हीना धाम्‍पे मीक्‍यामुला यु च्‍यीक्‍पा धाङ को़न्‍क्षोकगी नाङमीक्‍या लाक।

एफीसुपा 2:19 Iomraidhean Croise

मेथा 10:25

ङेने च्‍यीक राङगी घेगेन च्‍योक्‍रे धाङ ॱयोक्‍पो च्‍यीक राङगी दाक्‍पो च्‍योक्‍रे झ्‍युङना ढीक्‍कीलाक। नाङगी दाक्‍पोला बेएलजेबुल ॱनेरी, खुङक्‍याई ॱनेहो़ना, नाङमीक्‍याला होदेने ल्‍हाक घाजो़ ॱनी हो़टु?”

गालातीयापा 6:10

होझ्‍येरी घुकाप जोरी घाङला होराङ मी घीरीला शाङा झ्‍येरी डो, धेनी ॱङोन्‍ने झ्‍यीना होरी धेपागी मीजाङक्‍याला झ्‍यी।

एफीसुपा 2:12

होदे धी़ला खेक्‍या मास्‍यीकाने खा ढाडा धेनी ईस्‍राएल्‍पा मीरीकगी थोप्‍ताङने, पी़दी श्‍याकश्‍या धेनी को़न्‍क्षोकगी धाम्‍चाक्‍या स्‍येये मेगीन धेनी रेवा मेगीन धाङ दे जीक्‍तेनदु को़न्‍क्षोकमुला ढेवा मेगीन हो़तालाक, ॱनेरी ढेन्‍सो़ झ्‍यी।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

फीलीप्‍पीपा 3:20

हीना होरी फायु नी, नाम्‍खे श्‍यीङखाम लाक। धेनी होदेने फेप्‍ये हीन्‍गीन क्‍याम्‍गो़न चोवो येशु मास्‍यीकाला, होराङ घुक्‍ती धेतालाक।

ईब्‍रीपा 11:13

धाम्‍चा जेजागो ॱमाथोप्‍पालाराङ, खुङक्‍या घीरी धेपा झ्‍येरी ढोवालाक। धेनी खुङक्‍याई राङला दे जीक्‍तेनदु क्षीग्‍या धाङ ख्‍याम्‍बो हीन्‍गीनगो खेलेन्‍दी, होदे धाम्‍चा जेजागो थाक्‍रीङानेराङ थोरी फेप्‍सु श्‍यी़वालाक।

ईब्‍रीपा 13:14

घीझ्‍येरी ॱनाना दे जीक्‍तेनदु होराङला तेन्‍जाक धेयेला ग्‍याजा मेतालाक हीना हुङये हीन्‍गीन ग्‍याजागोला होराङ घुक्‍ती धेतालाक।

१ पेटो 2:11

चेवे रोवाक्‍याओ, ङा खेक्‍याला श्‍योवा पुलाहीन, खेक्‍या ॱनेचाङ ॱयारती धेगीन धाङ ङो ॱमेस्‍येगीन मीक्‍या झ्‍येरी, राङगी सेम्‍ङीगी डाला हो़गीन ली़गी दो़क्षाकक्‍या पोङ।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।