एफीसुपा 2:15 - ॱलोवा

¹⁵ दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

एफीसुपा 2:15 Iomraidhean Croise

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 3:10

क्षो़ठीमगी लेगाक्‍याला तेन्‍गीनक्‍या छेपागी होकला धेतालाक घीझ्‍येरी ॱनाना सुङरापला देरे ढीक हो़तालाक, “क्षो़ठीमगी धेपला ढीक्‍टा घीरी चीरी ॱमेनेगीनक्‍याला छेपा फोवालाक।”

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:14

घीझ्‍येरी ॱनाना मास्‍यीका राङगी होराङ खाक ॱङीउला च्‍यीक दोमा जेदी, खोङराङ होरी श्‍यीदे लाक। धेनी खा डारु च्‍युक्‍कीन डागी ग्‍याङगो, खोङबागी तोरस्‍यीक जेपालाक।

एफीसुपा 2:16

धेनी खोङबा ग्‍याङस्‍यीङला ढोङगीनगी थोक्‍ने, होराङ ॱङीगाराला ली़ च्‍यीकला को़न्‍क्षोकमुला दोमा जेदी दाङसेमगो मेताला जेपालाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

कोलोसेपा 2:14

होरी ग्‍याप्‍केलला ढीक्‍ती श्‍याकश्‍या होरी, धीक्‍पाक्‍याई क्‍यो़न्‍जुकक्‍या सुप जेपालाक धेनी होदेला ग्‍याङस्‍यीङ खाला शेर ग्‍याप्‍ती, खोङबागी मेताला जेपालाक।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

ईब्‍रीपा 7:16

घीझ्‍येरी ॱनाना मी दे क्षो़ठीमगी काला च्‍योक्‍रे ग्‍युपाला तेन्‍दी मेन्‍दा, हीना मेताला डोये मेगीन छेगी नी़थुला तेन्‍दी क्षो़पो़न झ्‍युवालाक।

ईब्‍रीपा 8:13

दे धाम्‍चा देला साबा सुङा जेदी, खोङगी धाम्‍चा धाङपोगोला ॱङीङबा जेदालाक। धेनी ॱङीङबा धाङ धी़चो़ जोक्‍चागो, ग्‍योक्‍वा येरी डुगीलाक।

ईब्‍रीपा 9:23

नाम्‍खे श्‍यीङखामगी पेला हो़गीन, घुरखाङ धाङ दे नाङला हो़गीन घीरीला, ॱमारछो़गी चाङमा झ्‍यीघो़। हीना को़न्‍क्षोकगी श्‍यीङखामदु हो़गीनक्‍याला, देले ल्‍हाक ॱमारछो़ शाङा घो़वालाक।