एफीसुपा 2:11 - ॱलोवा

¹¹ होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

एफीसुपा 2:11 Iomraidhean Croise

मेथा 20:7

खुङक्‍याई ॱनेवालाक, ‘मी सी़या हेक्‍याला ॱलाला लेगा कुगी मीदुक।’ खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु लेगा झ्‍यीरु सोङ।’

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

रोमापा 2:26

धा हुरे हीन्‍ना, पाउ चेगीन ॱरो ॱमीरुङगीन, मी च्‍यीकगी क्षो़ठीमगी काक्‍या ॱरुङना, खोला पाउ चेगीन ॱरो ॱरुङगीन मी च्‍योक्‍रे चीगीमाले?

रोमापा 2:27

धा ली़गी थोक्‍ने पाउ चेगीन ॱरो ॱमीरुङगीन हीन्‍नाः क्षो़ठीमगो ॱरुङगीनक्‍याई, ख्‍ये ढीक्‍टा क्षो़ठीम हो़गीन धाङ पाउ चेगीन ॱरो ॱरुङगीन हीना क्षो़ठीमगो ॱमीचीना, खेक्‍याला ठीम्‍चो़ ताङगीलाक।

१ कोरीन्‍थुपा 12:2

धेनी खेक्‍या धेपा मीझ्‍यीदी घाङला, थापस्‍यी माङागी थोक्‍ने लाब ताङ ॱमीथुक्‍कीन ल्‍हाकुन्‍डाक्‍या स्‍योकला, खेक्‍या क्षाक्‍क्षो़पा पुयेला यो़री सोसागो खेक्‍याई स्‍येलालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

गालातीयापा 2:15

होराङ केने ॱहालाराङ याहुदापा झ्‍येरी “याहुदापा मेन्‍गीन मीरीक धीक्‍चेनक्‍या” ॱनागीन च्‍योक्‍रे मालाक।

गालातीयापा 6:12

राङला जीक्‍तेनदु ढा छाक्‍पोमा तो़न्‍ये दो़पा हो़गीनक्‍याई राङ, खेक्‍याला पाउ चेगीन ताक ग्‍याप्‍येला उजुक झ्‍यीये थापस्‍यी झ्‍यीदालाक। खुङक्‍या राङला मास्‍यीकागी ग्‍याङस्‍यीङगी झ्‍येरी दुक्‍पु मारास्‍योक ॱनेरी, च्‍यीगा देरे झ्‍यीदालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

एफीसुपा 5:8

घीझ्‍येरी ॱनाना काब च्‍यीकला खेक्‍या मी़नाक नाङ हो़तालाक हीना धान्‍दा, चोवोगी नाङ खेक्‍या हो़ नाङदु हो़तालाक। हो़गी टुवाक्‍या च्‍योक्‍रे मीछे क्‍यो़।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 1:21

एम्‍मा खेक्‍या ले ङेन्‍पा झ्‍येरी को़न्‍क्षोकने, खा डारी ग्‍याङदु सोरी, राङगी सेमने खोङला डा शीम्‍बालाक।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।