एफीसुपा 2:10 - ॱलोवा

¹⁰ घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:10 Iomraidhean Croise

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

योहान्‍ना 3:21

हीना धेन्‍पे लाक्‍लेन झ्‍यीगीनक्‍याई लेगाक्‍या, को़न्‍क्षोकला तेन्‍दी झ्‍यीगीनगो सावो थोङयेगी क्षीला, खुङक्‍या हो़दु हुङालाक।”

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

२ कोरीन्‍थुपा 5:5

धेनी होराङला दे राङगी क्षीदु डाढीक जेगीनगो को़न्‍क्षोक लाक। धेनी खोङ राङगी होराङला गेलेनगी क्षीदु धाम्‍पे थुक्‍ङी ॱनाङा जेपालाक।

२ कोरीन्‍थुपा 9:8

धेनी खेक्‍याला घो़गीन घीरी च्‍योई मेछो़ली हुङये धाङ ले शाङा घीरीगी क्षीदु, खेक्‍याई मेछो़ली पु थुक्‍वास्‍योक ॱनेरी, को़न्‍क्षोकगी खेक्‍याला झ्‍यीलाप हो़लेगो मेछो़ली ॱनाङ जे थुक्‍वालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 2:13

हीना होदे धी़ला, खेक्‍या मास्‍यीका येशुने थाक्‍रीङा हो़गीनक्‍या, धान्‍दा मास्‍यीकागी कुठाकगी गोने ङ्येला ठीक हो़तालाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

एफीसुपा 2:6

धेनी मास्‍यीका येशुमुला होराङला ॱलार सो़न्‍पो जेदी, होराङ खोङमुला नाम्‍खे श्‍यीङखामदु धेदु च्‍युक्‍वा जेपालाक।

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

एफीसुपा 4:24

धेनी को़न्‍क्षोकगी स्‍यीकाला धेन्‍पे ढाङतेन धाङ धाम्‍पाला को़का स्‍यीका साबागो लेन ॱनेरी, खेक्‍याला ॱलाप हो़तालाक।

फीलीप्‍पीपा 1:6

धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

२ थेसालोनीकेपा 2:17

खेक्‍याला सेम्‍सो ॱनाङास्‍योक धेनी च्‍योई ले शाङपो झ्‍यीये धाङ ढाङपो स्‍येयेला, स्‍युक ॱनाङास्‍योक।

१ तीमोथेउ 2:10

घीझ्‍येरी ॱनाना क्षो़सेम्‍चेन हीन ॱनागीन केमीक्‍याई, ले शाङाक्‍या झ्‍यीना लेन्‍दा हो़तालाक।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

१ तीमोथेउ 5:25

देरे झ्‍येरीराङ ले शाङाक्‍या सावो थोङालाक धेनी ॱङो़न्‍सुमदु ॱमेथोङगीनक्‍या बेरी, श्‍याक ॱमीथुक्‍कीलाक।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

२ तीमोथेउ 2:21

ॱमेचाङा घीरीने राङला चाङमा झ्‍यीगीन मीगो, धी़ शाङागी क्षीला भेचो़ झ्‍युरी धेनी धाम्‍पा जेगीलाक। खीमगी दाक्‍पोगी क्षीला, फेन्‍थोवा धाङ ले शाङा घीला हीन्‍ना डाढीक झ्‍युङगीलाक।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

तीतोस 2:7

लाब घीरीला राङ-राङला ले शाङपोगी पे तो़न। ख्‍यो़री ॱलापच्‍यागो ढाङपो धाङ याराप

तीतोस 3:1

पो़न्‍पोक्‍या धाङ आङजा हो़गीन मीक्‍याई होकला धो़क। काला ङेन धेनी ले शाङपो झ्‍यीयेला नाम्‍हीना झ्‍यी छोक-छोक झ्‍येरी धो़क, ॱनेरी खुङक्‍याला ढेन्‍सो़ ॱलोङ।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

तीतोस 3:8

दे लाब दे धेन्‍पा लाक। धेनी को़न्‍क्षोकला धेपा झ्‍यीगीन मीक्‍या ले शाङा झ्‍यीयेला दो़पा हुङास्‍योक, ॱनेरी दे ॱलापच्‍याक्‍याला, ख्‍यो़ स्‍युक ग्‍याप्‍येला ङी दो़पा हो़क। देक्‍या मीक्‍याला शाङपो धाङ फेन थोक्‍वा दुक।

ईब्‍रीपा 10:24

झाम्‍पा धाङ लेशाङगी क्षीदु, होराङ च्‍यीकगी च्‍यीकला सेमस्‍युक पारयेला साम्‍लो ताङघो़।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।

१ योहान्‍ना 2:6

खोङबागी नाङ ॱने हो़गीनगी़, येशुगी चो़लाम च्‍योक्‍रे चो़लाम झ्‍यीघो़।