एफीसुपा 2:1 - ॱलोवा

¹ एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:1 Iomraidhean Croise

मेथा 8:22

हीना येशुगी खोला सुवालाक, “ङी स्‍याबाला स्‍योक धेनी स्‍यीम्‍बुक्‍याईराङ, खोराङक्‍याई फुङबु कुङदु च्‍युक।”

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 5:25

ङा खेक्‍याला धेन्‍पा धेनक्‍याङ ॱनाहीन, स्‍यीम्‍बुक्‍याई को़न्‍क्षोकगी सेगी सुङकेक घोरकीन धी़गो ॱलेवी हो़तालाक धेनी धी़गो धान्‍दा लाक। धेनी ङेन्‍गीनक्‍या सो़न्‍पो ॱनेगीलाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 15:45

होझ्‍येरी सुङरापला देरे ढीक हो़तालाक, “धाङपो मी आदामगो सो़न्‍पो झ्‍युवालाक।” धेनी थामागी आदामगो छे ॱनाङगीन थुक्‍ङी झ्‍युवालाक।

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

एफीसुपा 4:18

धेनी खुङक्‍याई सेम ग्‍योङागी केनगी, खुङक्‍या नाङ हो़गीन तीमुकगी झ्‍येरी, खुङक्‍याई स्‍येयो़न मी़नाकगी तुम हो़तालाक धेनी को़न्‍क्षोकगी छेने खा ढा हो़तालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

१ योहान्‍ना 3:14

होराङक्‍या छीवाने सो़न्‍पो ग्‍युरवालाक ॱनेरी, होराङ स्‍येलालाक घीझ्‍येरी ॱनाना होराङ होरी पी़नक्‍याला झाम्‍पा झ्‍यीदालाक। झाम्‍पा मीझ्‍यीगीन नी, छीवा नाङदु ॱनेलालाक।

ॱङो़न्‍पा 3:1

“सारतीगी क्षो़छोकगी भाङछेनला देरे ढीक, “को़न्‍क्षोकगी थुक्‍ङी धी़न धाङ कारमा धी़न हो़गीनगी, दे काक्‍या सुङी। ख्‍यी़ लेगाक्‍या ङाला स्‍येयेहो़क। धेनी मीङगी छाने खेक्‍या सो़न्‍पो हो़ना, खेक्‍या स्‍यी हो़तालाक।