एफीसुपा 1:9 - ॱलोवा

⁹ मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 1:9 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

जेपा 13:48

दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 4:28

खेराङगी वाङ धाङ दो़पागी झ्‍येरी, दे मी देक्‍याई खेराङगी एम्‍माने झ्‍येजा क्षास्‍यीगो डुप्‍तु च्‍युक्‍पालाक।

रोमापा 11:25

पी़नक्‍याओ, खेक्‍या राङला खेवा ॱमीचीयेगी क्षीला, खेक्‍याई साङवा दे स्‍येलास्‍योक ॱनेरी, ङा दो़दीहो़क। याहुदापा मेन्‍गीनक्‍या छाङबो को़न्‍क्षोकगी डुङदु माहुङगीन थुक्‍पे, ईस्‍राएल्‍पा रीङगाक्‍याई सेम ग्‍योङा झ्‍युङ हो़तालाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

गालातीयापा 1:12

घीझ्‍येरी ॱनाना ङाला दे मी सुनेः जोरपा मालाक धेनी सी़या ॱलाप्‍पा मालाक हीना येशु मास्‍यीकाला ॱङो़न्‍सुम ज्‍यारी, खोङबाने ङाला दे थोप्‍सुङ।

गालातीयापा 1:15

हीना ङा ॱमाकेगीन एन्‍लाराङ ङाला राजा पेरी दामा जेगीन, धाङ राङगी थुक्‍जे थोक्‍ने भो़ जेगीन को़न्‍क्षोकगी थुक्‍ङेउ जेदी,

गालातीयापा 1:16

याहुदापा मेन्‍गीन मीरीकक्‍याला ताम्‍शाङ स्‍येयेगी क्षीला, खोङबागी से ङाला तो़न जेसुङ धेनी ङी छाटाक झ्‍येरी सी़मुला ढो़ माझ्‍ये,

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 1:8

धेनी होदे थुक्‍जे दे, खोङबागी होराङला मेछो़ली ॱनाङा जेपालाक। को़न्‍क्षोकगी स्‍येराप धाङ स्‍येयो़न ॱनाछोकगी थोक्‍ने,

एफीसुपा 3:11

दे नी, को़न्‍क्षोकगी थामेपे थुकोङला तेन्‍ती, मास्‍यीका येशु होरी चोवोगी थोक्‍ने डुपा जेपालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।