Biblia Todo Logo
Bìoball air-loidhne

- Sanasan -




एफीसुपा 1:4 - ॱलोवा

4 को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

Faic an caibideil Dèan lethbhreac




एफीसुपा 1:4
55 Iomraidhean Croise  

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।


घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।


धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।


धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।


लुक्‍रा दी मेन्‍गीन, ङी लुक श्‍येम्‍माक्‍या हो़तालाक। ङी देक्‍यालाः ठीक घो़गुलाक धेनी देक्‍याई ङी केक ङेन्‍गीलाक। धेनी खुङक्‍या लुकख्‍यु च्‍यीकगी झीउ च्‍यीक झ्‍युङगीलाक।


खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।


“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।


दे लाब ॱहाघोरती याहुदापा मेन्‍गीन मीक्‍या ङ्यामो घेरी, चोवोगी ॱनाङना काला तो़टा पुवालाक। थामेगीन छेसोकगी छीला एम्‍माने ॱहालाराङ, को़न्‍क्षोकने दाम्‍दा घीरीगी येशु मास्‍यीका खाला धेपा झ्‍येवालाक।


चोवो को़न्‍क्षोकगी सुङालाक।’”


ङा ख्‍यी़मुला हो़क धेनी मी सी़याः ख्‍यो़ला घीया मीझ्‍यीगीलाक घीझ्‍येरी ॱनाना दे ग्‍याजाला ङी मी माङा हो़क।”


को़न्‍क्षोकगी दामा जेजाक्‍याला सी़ क्‍यो़न चुक थुक्‍कीले? ढाङपो जेगीन नी को़न्‍क्षोक लाक।


धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।


पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।


हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ


घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।


घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।


धेनी धेपागी थोक्‍ने, मास्‍यीका खेक्‍याई सेम नाङदु श्‍युक्‍वास्‍योक धेनी झाम्‍पा नाङ चावा तीङ रीङबो, धाङ तेन्‍पो झ्‍युरी


धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,


धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।


देरे जेदी क्षो़छोकगो ॱमेवा धाङ ॱङीमा मेगीन याङना देरे क्‍यो़न घीया मेगीन हीना धाम्‍पा धाङ क्‍यो़न मेता, ॱमीच्‍यीकी शीजेक्षेगी गोने राङगी डुङदु पुयेला लाक।


धेनी खेक्‍या क्‍यो़न मेगीन धाङ चाङमा झ्‍युरी, दे मेढाङा धाङ दुकच्‍याक मीरापगी खोक्‍दु, क्‍यो़न मेगीन को़न्‍क्षोकगी से धाङ सेमो झ्‍युङास्‍योक। धेनी खेक्‍या जीक्‍तेनदु खुङक्‍या खोक्‍दु ॱनामगी कारमाक्‍या च्‍योक्‍रे स्‍यारती,


हीना खोङगी डुङदु खेक्‍या धाम्‍पा धाङ क्‍यो़न मेगीन धाङ क्‍यो़न्‍जे मेगीन तो़न्‍येगी क्षीला, धान्‍दा मास्‍यीकागी कु ढोङगीनगी गोने, को़न्‍क्षोकगी खेक्‍याला राङमुला दोमा जेपालाक।


ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।


होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।


धेनी हीकी खेक्‍याला चेवा झ्‍यीगीन च्‍योक्‍रे, चोवोगी खेक्‍याला च्‍यीकगी च्‍यीकला चेवा धाङ मी घीरीमुला चेवा फेरी मेछो़ली जेदास्‍योक।


को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।


खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।


होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।


हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।


ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।


याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।


जीक्‍तेन ॱमाको़ एन्‍लाराङ मास्‍यीकाला दामा जेपालाक हीना खेक्‍याई क्षीदु थामे धी़ला खोङबा ॱङो़न्‍दा जेपालाक।


हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।


होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।


होझ्‍येरी को़न्‍क्षोकगी झाम्‍पा होराङला हो़गीनगो, होराङ स्‍येलालाक धेनी यीच्‍चे झ्‍यीदालाक। को़न्‍क्षोक नी, झाम्‍पा जेगीन को़न्‍क्षोक लाक। धेनी झाम्‍पा नाङला ॱनेगीनगो, को़न्‍क्षोकगी नाङ ॱनेलालाक धेनी को़न्‍क्षोक खी़ नाङ श्‍युक्‍वालाक।


धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।


ख्‍यी़ थोङगीन होदे सेम्‍चेनगो एम्‍मा थेङ च्‍यीकला हो़तालाक हीना धान्‍दा मेतालाक। धेनी मेताला डोयेगी क्षीदु, होदे थी मेगीन दोङ-दोङने थो़न्‍ये झ्‍यीदीक। धेनी साश्‍यी को़ने ॱहाला, छेसोकगी धेप नाङदु मीङ माढीक्‍टा साश्‍यीगी मीक्‍या, होदे सेम्‍चेनला थोरी ॱहाङसागीलाक घीझ्‍येरी ॱनाना होदे थेङ च्‍यीकला हो़तालाक हीना धान्‍दा मेतालाक धेनी स्‍याम्‍ला हुङगीलाक।


Lean sinn:

Sanasan


Sanasan