एफीसुपा 1:23 - ॱलोवा

²³ दे क्षो़छोक नी, खोङबागी कुसोक च्‍योक्‍रे लाक धेनी घीरी खाङा जेगीन, मास्‍यीकागी थोक्‍नेराङ क्षो़छोक फी़न्‍सुम छोक्‍पा जेपालाक।

एफीसुपा 1:23 Iomraidhean Croise

योहान्‍ना 1:16

खोङबागी फी़न्‍सुम छोक्‍पागी थोक्‍ने, होराङ घीरीगी थुक्‍जे च्‍यीकगी खाला थुक्‍जे थोप्‍पालाक।

रोमापा 13:5

होझ्‍येरी को़न्‍क्षोकगी ङेपाने थारये च्‍यीगा मेन्‍दा, हीना स्‍येशाङगी क्षीदुवाः ख्‍यो़ खुङक्‍याई होकदु धेघो़।

१ कोरीन्‍थुपा 12:6

धेनी लेगाक्‍या ॱना माङा हो़तालाक हीना घीरीला राङ-राङगी लेगा झ्‍यीयेगी नी़पा ॱनाङगीनगो, को़न्‍क्षोक च्‍यीकराङ लाक।

१ कोरीन्‍थुपा 15:28

धेनी घीरी खोङगी वाङ होकदु श्‍या जेसारती, घीरी खोङगी वाङ होकदु श्‍या जेगीन, को़न्‍क्षोकगी वाङ होकदु से खोराङ ॱनेगीलाक। दे नी, को़न्‍क्षोक ॱङोपो घीरीगी थोकला थोस्‍योक झ्‍युङयेगी क्षीदु लाक।

एफीसुपा 2:16

धेनी खोङबा ग्‍याङस्‍यीङला ढोङगीनगी थोक्‍ने, होराङ ॱङीगाराला ली़ च्‍यीकला को़न्‍क्षोकमुला दोमा जेदी दाङसेमगो मेताला जेपालाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

एफीसुपा 3:19

धेनी को़न्‍क्षोकगी छेसोक धाङ नी़थुगी, खेक्‍या घाङजाङ खाङयेगी क्षीला, खेक्‍याई ॱलोला जु ॱमीथुप्‍कीन मास्‍यीकागी झाम्‍पा ॱहाघोरयेगी ॱमो़लाम, ङा श्‍यी़लाहीन।

एफीसुपा 4:10

माला भाप जेगीनगोराङ, नाम्‍खे श्‍यीङखाम घीरीगी थो़स्‍योकला फेप्‍कीनगो लाक। धेनी दे नी, खोङगी जीक्‍तेनदु घीरी खाङदु च्‍युक्‍येगी क्षीला लाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

कोलोसेपा 3:11

दुरु गीरीक धाङ याहुदापा धेनी पाउ चेचा धाङ ॱमाचेचा धेनी क्षीग्‍या धाङ यारके मेगीन धेनी ढेन्‍योक धाङ राङवाङगी मी ॱनेरी, ॱयेवा मेतालाक हीना मास्‍यीका नी, घीरी लाक धेनी घीरीगी नाङ श्‍युक हो़तालाक।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।