एफीसुपा 1:20 - ॱलोवा

²⁰ को़न्‍क्षोकगी मास्‍यीकाला छीवाने कुसो़न्‍पो श्‍याङा जेपालाक धेनी नाम्‍खे श्‍यीङखामक्‍यारु, राङगी क्षाक ॱयेरु श्‍युक्‍तु च्‍युक्‍वा जेपालाक।

एफीसुपा 1:20 Iomraidhean Croise

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 10:30

ङा धाङ याप नी च्‍यीक हीन।”

जेपा 10:40

हीना श्‍याक्‍मो सुम्‍बागोला, को़न्‍क्षोकगी खोङबाला कुसो़न्‍पो श्‍याङा जेदी, खोङला ॱङो़न्‍सुमदु तो़न जेजुङ।

जेपा 26:8

को़न्‍क्षोकगी स्‍यीस्‍या मीला सो़न्‍पो ॱलाङ जेगीलाक ॱनागीन लाब देला, खेराङक्‍या घीझ्‍येरी धेपा झ्‍यी ॱमीथुक्‍वाले?

जेपा 4:10

खेक्‍या धाङ ईस्‍राएलगी मीक्‍या घीरीगी ॱहाघोरास्‍योक, दे मी श्‍याक्‍योवा दे नाजारेतगी येशु मास्‍यीकागी छेनने चो़गा झ्‍युवालाक। खेराङक्‍याई खोङबाला ग्‍याङस्‍यीङ खाला क्‍याङबालाक हीना को़न्‍क्षोकगी खोङबाला छीवाने सो़न्‍पो श्‍याङा जेपालाक।

जेपा 5:31

ईस्‍राएलगी मीरीकक्‍याई राङगी धीक्‍पा पारी सेम ग्‍युरवा ताङये धाङ खुङक्‍याई धीक्‍पाक्‍याला घोयाङ ॱनाङयेगी क्षीला, को़न्‍क्षोकगी खोङला गोठी धाङ क्‍योप्‍खेन को़वा जेदी राङगी क्षाक ये स्‍योकला श्‍याक जेपालाक।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

कोलोसेपा 3:1

धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 10:12

हीना मास्‍यीकागी धी़ तेनगी क्षीदु, थेङ च्‍यीकला धीक्‍पा सेयेगी ॱमारछो़ पुरी, खोङ को़न्‍क्षोकगी क्षाक ॱयेरु श्‍युक्‍वा जेपालाक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

ॱङो़न्‍पा 1:17

ङी खोङबाला ज्‍याली घाङला, ङा खोङबागी श्‍याप डुङदु मी स्‍यीस्‍या च्‍योक्‍रे ग्‍येवी। हीना खोङबागी राङगी क्षाक ॱये, ङी खाला श्‍या जेदी सुवालाक, “ख्‍यो़ माजीक। ङा नी थोक्‍मा धाङ थामागो हीन।