एफीसुपा 1:19 - ॱलोवा

¹⁹ होराङ धेपा झ्‍यीगीनक्‍याई क्षीला, खोङबागी ची ॱमेथेप्‍कीन ॱहालेवे नी़थुगो, घी हीन्‍गीनगो स्‍येये क्षीदु लाक। दे ॱहालेवे नी़थुने राङ

एफीसुपा 1:19 Iomraidhean Croise

योहान्‍ना 3:6

स्‍याठाकने केक्‍यागो स्‍याठाक लाक धेनी थुक्‍ङीने केक्‍यागो सेम्‍ङी लाक।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

२ कोरीन्‍थुपा 4:7

हीना पाक्‍तु मेगीन नी़थुगो हेक्‍याई मेन्‍दा, को़न्‍क्षोकगी लाक ॱनेरी तो़न्‍येगी क्षीदु, होदे तेर दे होरी जामागी ॱनो़ नाङदु हो़तालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 3:20

धा होरी नाङदु ले डुप्‍कीन नी़थुगी गोने, होरी श्‍यी़गीन धाङ साम्‍गीनने ल्‍हाक मेछो़ली जे थुप्‍कीन को़न्‍क्षोकला,

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

एफीसुपा 6:10

थाःला, खेक्‍या चोवो धाङ खोङबागी नी़थुगी तोप नाङला स्‍युक्‍क्षे झ्‍युङ।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।