एफीसुपा 1:1 - ॱलोवा

¹ को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

एफीसुपा 1:1 Iomraidhean Croise

लुका 16:10

“दो़न ङ्युङाला ढाङा हो़गीनगो नी, माङालाः ढाङा हुङालाक। धेनी दो़न ङ्युङाला मेढाङा हो़गीनगो माङालाः मेढाङा हुङालाक।

जेपा 16:15

धेनी धेपा झ्‍येरी लीडीया धाङ मी़ नाङमीगी ठी़सो़ लेन्‍बालाक। होदे स्‍याम्‍ने मी़ हेक्‍याला मोरी नाङला, धेयेला श्‍योवा पुरी ॱनेवालाक, “खेराङक्‍याई ङाला ॱङोन्‍नेराङ चोवोला धेपा झ्‍येजा नुमु चीली हो़ना, हीकी नाङला होरी हेक्‍यामुला श्‍युक्‍रोनाङ।” देरे झ्‍येरी मी़ हेक्‍याला मोरी नाङला डोये शो़जुङ।

जेपा 18:19

धेनी एफीसुरु ॱलेप्‍ती पीरीस्‍कीला धाङ आकुला होदुरुराङ धेपालाक। पाउलुगो एफीसुगी छोक्‍खाङदु सोरी, याहुदापाक्‍यामुला चो़लीङ झ्‍येवालाक।

जेपा 18:21

धेनी पाउलुगी डी़ घाङला देरे ॱनेवालाक, “को़न्‍क्षोकगी थुकोङ हो़ना ङा याङ खेक्‍याचारु लोक्‍ती हुङयेहीन।” धेनी खो एफीसुने ग्‍याछोगी लाम्‍गाने सोवालाक।

जेपा 9:13

आनानीयागी लेन ॱलोक्‍पालाक, “चोवो, दे मी देगी येरुसालेमदु हो़गीन, खेराङगी धाम्‍पे मीक्‍याला ॱमीच्‍यीकी दुक्‍पु तादुक ॱनेरी, मीक्‍याने ङी ॱहाघोसुङ।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 8:1

होझ्‍येरी धा, मास्‍यीका येशुगी नाङ ॱनेगीनक्‍याला छेपा फोक्‍ये मेतालाक।

१ कोरीन्‍थुपा 4:12

धेनी राङगी लाक्‍पी लेगा झ्‍येरी काल्‍ले ग्‍यावाहीन। धेनी मी श्‍येम्‍मागी ॱमेमो ग्‍याराङ, हेक्‍या ॱमो़लाम श्‍यी़हो़क। श्‍येम्‍मागी हेक्‍याला दुक्‍पु तेराराङ, हेक्‍या शो़पा घोमीहो़क।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

गालातीयापा 3:26

घीझ्‍येरी ॱनाना मास्‍यीका येशुला धेपा झ्‍येरी, खेक्‍या घीरी को़न्‍क्षोकगी से धाङ सेमो लाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

गालातीयापा 3:9

होझ्‍येरी धेपा झ्‍यीगीन मीक्‍या घीरीला, धेपागी मी आब्‍राहाममुला राङ झ्‍यीलाप थोप्‍पालाक।

एफीसुपा 1:15

होझ्‍येरी चोवो येशुला खेक्‍याई धेपा हो़गीन धाङ को़न्‍क्षोकगी धाम्‍पे मीक्‍याला, खेक्‍याई चेवागी कोरला ङी घोरती,

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:13

हीना होदे धी़ला, खेक्‍या मास्‍यीका येशुने थाक्‍रीङा हो़गीनक्‍या, धान्‍दा मास्‍यीकागी कुठाकगी गोने ङ्येला ठीक हो़तालाक।

एफीसुपा 2:6

धेनी मास्‍यीका येशुमुला होराङला ॱलार सो़न्‍पो जेदी, होराङ खोङमुला नाम्‍खे श्‍यीङखामदु धेदु च्‍युक्‍वा जेपालाक।

एफीसुपा 6:21

ङा घारे हो़गीन धाङ घी झ्‍यीगीनगो खेक्‍यागीया ॱहाघोरास्‍योक ॱनेरी, चेवे पी़न धाङ चोवो नाङ ॱलो का थुप्‍कीन श्‍याप्‍चीवा तुखीकोसगी खेक्‍याला लाब घीरी स्‍येगीलाक।

कोलोसेपा 1:2

कोलोसे ग्‍याजारु हो़गीन मास्‍यीकाला ॱलो का थुप्‍कीन धाम्‍पे पी़नक्‍याला, होरी याप को़न्‍क्षोकने थुक्‍जे धाङ श्‍यीदे, खेक्‍याला थोप्‍पास्‍योक।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।

ॱङो़न्‍पा 2:13

धी़क सातानगी ठी हो़जारु खेक्‍या ॱनेलालाक ॱनेरी, ङाला स्‍येयेहो़क। देरे हीन्‍नाः, खेक्‍या ङी मीङगी दो़न्‍दु तेन्‍पो ॱनेलालाक। धेनी धी़क सातान ॱनेसा, खीकी ग्‍याजारु ङी ॱलोते हो़गीन पाङपो आन्‍तीपागोला सेपालाक धेनी होदे घाङगी ङीमाक्‍यालाः, खेक्‍याई राङगी धेपा ॱमापाजुङ।