कोलोसेपा 4:18 - ॱलोवा

¹⁸ ङा पाउलु, ङाराङगी लाक्‍पाने, दे छाम्‍डी दे ढीयाहीन। ङा चो़न्‍पा च्‍यीक हीन्‍गीनला, खीकी ढेन्‍सो़ झ्‍यी। खेक्‍याला थुक्‍जे थोप्‍पास्‍योक।

कोलोसेपा 4:18 Iomraidhean Croise

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

रोमापा 16:22

धेनी पाउलुगी क्षीदु दे यीक ढीक्‍कीन ङा तेरतीउगीयाः, खेक्‍याला चोवोगी नाङ छाम्‍डी हो़क।

रोमापा 16:23

धेनी ङा धाङ क्षो़छोक घीरीला ॱनेचाङ ॱयारकीन गायुगी, खेक्‍याला छाम्‍डी श्‍यी़क। धेनी ग्‍याजागी ॱङेरपा ईरासीतु धाङ नो कोआरतोसगी, खेक्‍याला छाम्‍डी श्‍यी़क।

१ कोरीन्‍थुपा 16:21

ङा पाउलु, ङाराङगी लाक्‍पी दे छाम्‍डी ढीक्‍यीहो़क।

२ कोरीन्‍थुपा 13:14

चोवो येशु मास्‍यीकागी थुक्‍जे धाङ को़न्‍क्षोकगी झाम्‍पा धाङ धाम्‍पे थुक्‍ङीगी ङ्याम्‍ढेल, खेक्‍या घीरीमुला हुङास्‍योक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

२ थेसालोनीकेपा 3:17

ङा पाउलु राङगी लाक्‍पागी छाम्‍डी दे ढीयाहीन। दे नी ङी ढीक्‍ताङ हीन। धेनी ङी यीक घीरीगी ताक देराङ हीन।

१ तीमोथेउ 6:21

देरे लाबक्‍याई स्‍याबाला डारी रीङगा राङगी धेपाने ङ्याम हो़तालाक। थुक्‍जे खेक्‍यामुला हुङास्‍योक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

तीतोस 3:15

ङीमुला हो़गीन घीरीगी ख्‍यो़ला टास्‍यी धेलेक पुली। होराङला चेवा झ्‍यीगीन धेपा झ्‍यीगीनक्‍याला टास्‍यी धेलेक पु। खे घीरीला थुक्‍जे हुङास्‍योक!

ईब्‍रीपा 13:25

खेक्‍या घीरीमुला को़न्‍क्षोकगी थुक्‍जे हुङास्‍योक। आमेन।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।