कोलोसेपा 3:9 - ॱलोवा

⁹ धेनी च्‍यीकगी च्‍यीकला शोक ॱमास्‍ये घीझ्‍येरी ॱनाना खीकी स्‍यीका ॱङीङबाक्‍या, होदेगी लाक्‍लेन मुलाराङ खीकी पाङ सावालाक।

कोलोसेपा 3:9 Iomraidhean Croise

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

एफीसुपा 4:25

होझ्‍येरी शोक पारी खे रे-रेगी राङगी खीम्‍चेमुला, लाब धेन्‍पा स्‍यो़क घीझ्‍येरी ॱनाना होराङ ली़ च्‍यीक्‍पागी येन्‍लाकक्‍या लाक।

कोलोसेपा 3:8

हीना धान्‍दा खेक्‍याई खोङडो धाङ स्‍येताङ धेनी ङेन्‍सेम धाङ ॱमेबेप धाङ खेरी खाने थो़न्‍गीन, छीक झ्‍योरा घीरी पोङ।

१ तीमोथेउ 1:10

लोक्‍येम्‍पाक्‍या धाङ फोला चो़गीन धेनी मी ढेन्‍योकला चोङगीन धाङ शोक स्‍येगीनक्‍या धेनी ॱना ॱमीचीगीन धाङ झ्‍यीलापचेनगी को़न्‍क्षोकगी, ङाला ॱनाङगीन शीजेचेनगी ताम्‍शाङगी तावा ढाङपोला ॱमीथी़न्‍गीन, घीरीगी क्षीला लाक।

ॱङो़न्‍पा 21:27

लुक्‍टुगी छेसोकगी धेप नाङला मीङ ढीक्‍टाक्‍या माना, श्‍येम्‍मा ॱमेचाङा धाङ आम्‍लोवा लेगा झ्‍यीगीन धाङ शोक स्‍येगीन सुवा, होदे ग्‍याजा नाङदु मीजुगीलाक।

ॱङो़न्‍पा 21:8

हीना ॱङीङ च्‍युङाक्‍या धाङ धेपा मेगीनक्‍या धाङ आम्‍लोवाक्‍या धाङ ॱरोक चेगीनक्‍या धाङ लोक्‍येम्‍पाक्‍या धाङ ङेन ॱङाक ग्‍याप्‍कीनक्‍या धाङ ल्‍हाकुन्‍डा छो़गीनक्‍या धाङ शोक स्‍येगीनक्‍या घीरीगी कादागो, मे धाङ मुशे भारकीन छो लाक। दे नी, छीवा ॱङीवागो लाक।”

ॱङो़न्‍पा 22:15

ग्‍याजागी फीला कीक्‍या धाङ ङेन ॱङाक झ्‍यीगीनक्‍या धाङ लोक्‍येम्‍पाक्‍या धाङ ॱरोक चेगीनक्‍या धाङ ल्‍हाकुन्‍डाक्‍या छो़गीनक्‍या धाङ शोक स्‍येयेला थेगीनक्‍या धाङ होदे च्‍योक्‍रे झ्‍यीगीनक्‍या हो़तालाक।