कोलोसेपा 3:4 - ॱलोवा

⁴ धेनी खेक्‍याई छेसोक हीन्‍गीन मास्‍यीका ॱङो़न्‍दी घाङला, खेक्‍याः खोङबामुला शीजे नाङदु ॱङो़न्‍गीलाक।

कोलोसेपा 3:4 Iomraidhean Croise

मेथा 13:43

धेनी ढाङाक्‍या राङगी यापगी ग्‍यासी नाङदु, ङीमागी हो़ च्‍योक्‍रे स्‍यारकीलाक। आमच्‍योक हो़गीनक्‍याई ङेन्‍दी ॱहाघोरास्‍योक।

लुका 17:30

धा मी-भु ॱङो़न्‍दु जेगीन ङीमागोला देरेराङ झ्‍युङगीलाक।

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 14:3

धेनी ङा सोरी खीकी क्षीला धेजा डाढीक झ्‍येसारती, ङा धाब्‍ले हुङयेहीन। धेनी खेक्‍याला ङा हो़जारु ठीक्‍ती डोयेहीन। धेनी ङा घारु हो़जारु, खेक्‍याः हुङगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

रोमापा 8:18

ङी साम्‍बाला धान्‍दागी दुङाक्‍या माउपारगी धी़ला, होराङला ॱङो़न्‍ये हीन्‍गीन शीजेमुला दुरना घीया मालाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

१ कोरीन्‍थुपा 1:7

होझ्‍येरी होरी चोवो येशु मास्‍यीका ॱङो़न्‍सुमदु ज्‍यायेला, खेक्‍या घुक्‍ती धेताराङ खीकी नाङ सेम्‍ङीगी ॱनाङज्‍यीन घीया ॱमेछाङगीन मेयोङगीलाक।

१ कोरीन्‍थुपा 15:43

ली़ नी शीजे मेताला साला बाःलाक धेनी शीजेला होदे सो़न्‍गीलाक। तोप मेताला होदे बाःलाक धेनी तोपला होदे सो़न्‍गीलाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

फीलीप्‍पीपा 3:21

धेनी घीरी खोङबा राङगी वाङ होकदु जे थुक्‍कीन नी़थुगी राङ, होरी थापक्‍योवा ली़ला खोङबाराङगी शीजेगी कुली़ च्‍योक्‍रे ग्‍युरा जेगीलाक।

१ थेसालोनीकेपा 4:17

धेनी होराङ सो़न्‍पो हो़गीन धाङ लेगीनक्‍या चोवोला ॱनामला ज्‍यायेला खुङक्‍यामुला ॱरीङ नाङदु ठीया जेगीलाक धेनी होराङक्‍या चोवोमुला च्‍योई ॱनेगीलाक।

१ तीमोथेउ 6:14

ङा ख्‍यो़ला का तेराहीन, चोवो येशु मास्‍यीका ॱङो़न्‍सुमदु माज्‍यागीन थुक्‍पे, का दे ॱमेवा मेगीन धाङ क्‍यो़न मेगीन झ्‍येरी ॱरुङ च्‍यीक।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 5:4

धेनी झ्‍यीवु चोगो ॱङो़न्‍सुमदु फेवी घाङला, खेक्‍याला नामा येरी मेडोगीन शीजेगी चोपो़न थोप्‍कीलाक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।

१ योहान्‍ना 3:2

चेवे रोवाक्‍याओ, धान्‍दा होराङ को़न्‍क्षोकगी से धाङ सेमो लाक धेनी होराङ घी हुङये हीन्‍गीनगो धान्‍दा थुक्‍पे, ॱमाङो़न हो़तालाक। हीना मास्‍यीका ॱङो़न्‍दी घाङला, होराङ खोङबा च्‍योक्‍रे झ्‍युङगीलाक ॱनेरी, होराङ स्‍येलालाक घीझ्‍येरी ॱनाना खोङबा घारे हो़गीनला राङ, होरी खोङला ज्‍यागीलाक।

१ योहान्‍ना 5:12

से हो़गीनगोला छेसोक हो़तालाक हीना को़न्‍क्षोकगी से मेगीनगोला छेसोक मेतालाक।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,

ॱङो़न्‍पा 2:7

“आमच्‍योक हो़गीनक्‍याई, धाम्‍पे थुक्‍ङीगी क्षो़छोकक्‍याला घी सुङगीनगो ङेन्‍दास्‍योक। धेनी सु ग्‍याली होदेगोला, ङा को़न्‍क्षोकगी श्‍यीङखामदु हो़गीन छेसोकगी दोङबोने शायेगी आङजा तेरयेहीन।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।