कोलोसेपा 3:24 - ॱलोवा

²⁴ घीझ्‍येरी ॱनाना चोवोने खेक्‍याला ग्‍युज्‍यीन झ्‍युङयेगो ज्‍यागाला थोप्‍कीलाक ॱनेरी, खेक्‍या स्‍येलालाक। धेनी खेक्‍याई चोवो मास्‍यीकाला श्‍याप्‍ची श्‍युलालाक।

कोलोसेपा 3:24 Iomraidhean Croise

मेथा 10:41

ॱङो़नस्‍येखेन च्‍यीकला ॱङो़नस्‍येखेन च्‍यीक लाक ॱनेरी चीना, होदेगोला ॱङो़नस्‍येखेनगी ज्‍यागा थोप्‍कीलाक। धेनी ढाङतेनगी मी च्‍यीकला ढाङतेन मी ॱनेरी चीना, होदेला ढाङतेन मीगी ज्‍यागा थोप्‍कीलाक।

मेथा 5:12

नाम्‍खे श्‍यीङखामदु खेक्‍याई क्षीला ज्‍यागा क्षे हो़तालाक होझ्‍येरी घागा-कीगी झ्‍यी घीझ्‍येरी ॱनाना खेक्‍याई एन्‍ला हो़गीन ॱङो़नस्‍येखेनक्‍याला, खुङक्‍याई देरेराङ झ्‍येरी दुक्‍पु तावालाक।

मेथा 5:46

राङला चेवा झ्‍यीगीनला च्‍यीगा चेवा झ्‍यीना, ख्‍यो़ला ज्‍यागा घी थोप्‍कीलाक से? ठा धुगीनक्‍याः देरेराङ मीझ्‍यीदाई?

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:5

“धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 14:18

धेनी दी गोने मास्‍यीकाला श्‍याप्‍ची श्‍युगीनगोला, को़न्‍क्षोकगी थुक्‍ङेउ चीगीलाक धेनी मीक्‍याः घागीलाक।

१ कोरीन्‍थुपा 11:23

घीझ्‍येरी ॱनाना चोवोने ङाला घी थोप्‍कीनगो, ङी खेक्‍याला तेरहो़क। होदेगो, चोवो येशु डागी लाक्‍तु छी़गीन छेनगोला, खोङगी ग्‍याङगागो क्षाकला ॱनुम्‍बालाक

१ कोरीन्‍थुपा 3:8

साङा ताप्‍कीन धाङ क्षु ॱलुक्‍कीन नी, च्‍यीक्‍पा लाक धेनी खुङक्‍याला राङगी काल्‍ले ग्‍याप्‍कीनगी छो़लाराङ ॱलाज्‍या थोप्‍कीलाक।

१ कोरीन्‍थुपा 7:22

घीझ्‍येरी ॱनाना चोवोगी नाङ भो़ली घाङला, ढेन्‍योक हो़गीनगो धा चोवोगी राङवाङगी मी झ्‍यु हो़तालाक। होदेरेराङ झ्‍येरी चोवोगी भो़ली घाङला राङवाङ हो़गीन मीगो, धा मास्‍यीकागी ढेन्‍योक झ्‍यु हो़तालाक।

गालातीयापा 1:10

धा ङा मीक्‍याने ङोलेन चालीओ याङमेना को़न्‍क्षोकने चालीओ? याङ ङा मीक्‍याला घारु च्‍युक्‍येगी थापस्‍यी झ्‍यीदे? ङी धान्‍दा थुक्‍पे, मीक्‍याला घारु च्‍युक्‍ये थापस्‍यी झ्‍येहो़ना, ङा मास्‍यीकागी श्‍याप्‍ची हुङये मेक।

एफीसुपा 6:6

मीक्‍याला ङ्यामो घारु च्‍युक्‍येला ॱमीकगी थोङसारु च्‍यीगा लेगा माझ्‍यी हीना मास्‍यीकागी श्‍याप्‍चीक्‍या च्‍योक्‍रे, सेम तीङने को़न्‍क्षोकगी थुकोङ डुप्‍तु च्‍युक।

एफीसुपा 6:8

ढेन्‍योक हीन्‍ना याङना राङवाङगी मी हीन्‍ना, चोवोगी होराङ रे-रेला होरी झ्‍यीगीन ले शाङाला शीक्‍ती ज्‍यागा ॱनाङगीलाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

ईब्‍रीपा 10:35

होझ्‍येरी खेक्‍याई ॱङीङतोपगो ङ्याम्‍दु ॱमाच्‍युक घीझ्‍येरी ॱनाना खेक्‍याला ज्‍यागा क्षे थोप्‍कीलाक।

ईब्‍रीपा 11:6

धेपा मेता को़न्‍क्षोकला थुक घेरु च्‍युक थुक्‍ये मेतालाक घीझ्‍येरी ॱनाना को़न्‍क्षोकगी डुङदु हुङगीनक्‍याई, को़न्‍क्षोक हो़गीन धाङ खोङला चागीनक्‍याला खोङबागी ज्‍यागा ॱनाङगीलाक ॱनेरी, यीच्‍चे झ्‍यीघो़।

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,