कोलोसेपा 3:15 - ॱलोवा

¹⁵ मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

कोलोसेपा 3:15 Iomraidhean Croise

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

रोमापा 1:21

घीझ्‍येरी ॱनाना मी देक्‍याई को़न्‍क्षोकला ङोस्‍येरीयाः, खोङला पु घो़गीन कुरतीगो ॱमापुवालाक धेनी काटीन्‍क्षे गोवाः माश्‍यी़वालाक। हीना खुङक्‍याई साम्‍लो ताङदाङगो, क्षोमेगीन धाङ खुङक्‍याई ॱलेन्‍दा सेमगो मी़नाकगी खावालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 7:15

हीना धेपा मीझ्‍यीगीनगी़ राङगी रोवामुला खा ढाङी दो़ना, खा डारु च्‍युक। देरे झ्‍युङना धेपा झ्‍यीगीन ख्‍योवा याङना केमीगो सी़याः वाङदु मेयोङालाक। घीझ्‍येरी ॱनाना को़न्‍क्षोकगी होराङला श्‍यीदेगी नाङदु ॱनेयेला भो़ जेपालाक।

२ कोरीन्‍थुपा 4:15

घीझ्‍येरी ॱनाना देक्‍या घीरी खेक्‍याला फेन्‍येगी क्षीदु लाक। धेनी दे नी थुक्‍जेगो मी माङाचारु फेरी डोवाराङ, को़न्‍क्षोकगी शीजे हुङयेला काटीन्‍क्षे श्‍युयेगोवा फेयेगी क्षीदु लाक।

२ कोरीन्‍थुपा 9:11

धेनी खेक्‍या च्‍योई ॱलो ॱमेफाङा पु थुक्‍कीन झ्‍युङयेगी क्षीदु, दो़न घीरीला खेक्‍या क्षुक्‍पु जेगीलाक धेनी हेक्‍याई थोक्‍ने मीक्‍याई को़न्‍क्षोकला काटीन्‍क्षे श्‍यी़गीलाक।

एफीसुपा 4:16

खोङबानेराङ ली़ घाङजाङ ग्‍युपा रे-रेगी थी़था धाङ मुला धाम्‍दा हो़तालाक। होझ्‍येरी येन्‍लाक मीरी-मीरीगी राङगी झ्‍यीघोगीन लेगागो झ्‍यीना, ली़ घाङजाङ छारती झाम्‍पागी थोक्‍ने राङला यारके ताङालाक।

एफीसुपा 4:4

को़न्‍क्षोकगी खेक्‍याला भो़ली घाङला, रेवा च्‍यीकला भो़पा च्‍योक्‍रे ली़ च्‍यीक धाङ थुक्‍ङी च्‍यीक,

एफीसुपा 5:1

होझ्‍येरी, खेक्‍या चेवे से धाङ सेमोक्‍या झ्‍येरी, को़न्‍क्षोकगी च्‍योक्‍रे झ्‍यीये थापस्‍यी झ्‍यी।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

कोलोसेपा 1:12

धेनी हो़गी ग्‍यासी नाङदु धाम्‍पे मीक्‍याई, नोरकाला थोप्‍ताङ थोप्‍येगी ढाडा जेगीन, यापला खेक्‍याई काटीन्‍क्षे श्‍यी़वास्‍योक ॱनेरी, हेक्‍या ॱमो़लाम ग्‍यावीहो़क।

कोलोसेपा 2:7

धेनी खोङगी नाङ चावा तीङ रीङबो चुक धेनी खोङगी खाला, खेरी मीछेगी ॱमाङस्‍यी चीक धेनी खेक्‍याला ॱलाप्‍ला च्‍योक्‍रे, खेरी धेपा स्‍युक्‍क्षेरु तोङ। धेनी काटीन्‍क्षे श्‍यी़येला माङदु तोङ।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

१ तीमोथेउ 2:1

धेनी धाङपोगो, ङी मी घीरी धाङ ग्‍यावुक्‍या धाङ पो़न्‍पोक्‍यागी क्षीला सोवा धाङ ॱमो़लाम धाङ श्‍योवा धाङ काटीन्‍क्षे श्‍यी़ ॱनेरी, कुलाहीन। देरे झ्‍येरी होराङ क्षोक घीरीने क्षो़सेम्‍चेन धाङ यारापचेनगी थोक्‍ने, धेवा धाङ श्‍यीझामगी मीछे पी़ थुक्‍कीलाक।

१ तीमोथेउ 6:12

होरी धेपागी ॱमाक शाङपोगो टोप। धेनी पाङपो माङागी दोङदु, ख्‍यी़ खेलेन शाङपो लेन्‍ला झ्‍येरी, थामेपे छेसोकगी क्षीला ख्‍यो़ भो़वालाक। धेनी देला शीम्‍दी धो़क।

ईब्‍रीपा 13:15

होझ्‍येरी येशुगी गोने, होराङ को़न्‍क्षोकला च्‍योई तो़पागी क्षो़पा पुलो। दे नी, खोङगी छेन खेलेन झ्‍यीगीन होरी खागी ढेबु लाक।

ॱङो़न्‍पा 7:12

“आमेन। तो़पा धाङ शीजे, स्‍येराप धाङ काटीन धाङ कुरती, वाङ धाङ नी़थु, होरी को़न्‍क्षोकला ग्‍युने ग्‍युन्‍दु हुङवास्‍योक। आमेन।”