कोलोसेपा 3:14 - ॱलोवा

¹⁴ धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

कोलोसेपा 3:14 Iomraidhean Croise

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

योहान्‍ना 15:12

“ङी खेक्‍याला झाम्‍पा झ्‍यीगीन च्‍योक्‍रे, खेक्‍या च्‍यीकगी च्‍यीकला झाम्‍पा झ्‍यी। दे नी ङी काठीम हीन।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

रोमापा 13:8

च्‍यीकगी च्‍यीकला झाम्‍पा झ्‍यीये माना, श्‍येम्‍मा दो़न घीन्‍गीयाः भुलीङ होकला छी़दी माधे। घीझ्‍येरी ॱनाना राङगी खीम्‍चेला, झाम्‍पा झ्‍यीगीनगी़ क्षो़ठीमगो डुपालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 4:3

धाम्‍पे थुक्‍ङीने झ्‍युङगीन थी़न्‍डीलगो, श्‍यीदेगी गोने घी थुप-थुप ॱरुङये थापस्‍यी झ्‍यी।

एफीसुपा 5:2

धेनी मास्‍यीकागी होराङला झाम्‍पा जेदी, राङगी ॱरोक होरी क्षीला को़न्‍क्षोकगी डुङदु ढीस्‍यीमगी क्षो़पा धाङ ॱमारछो़ च्‍योक्‍रे झ्‍युरी, ॱलो़ ताङ जेगीन च्‍योक्‍रे, खेक्‍या झाम्‍पागी नाङने मीछे क्‍यो।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ थेसालोनीकेपा 4:9

धा पी़न्‍दा च्‍यीकगी च्‍यीकला झाम्‍पा झ्‍यीयेगी कोरला, सी़याः खेक्‍याला ढीक घोगुमालाक घीझ्‍येरी ॱनाना च्‍यीकगी च्‍यीकला झाम्‍पा झ्‍यीयेला को़न्‍क्षोकगी ॱलाप ॱनावालाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 3:23

धेनी को़न्‍क्षोकगी का नी, खोङगी से येशु मास्‍यीकागी छेनला होरी धेपा झ्‍यीघोये धाङ खोङगी होराङला ॱनाङना काठीम च्‍योक्‍रे, होराङ च्‍यीकगी च्‍यीकला झाम्‍पा झ्‍यीघोये लाक।

१ योहान्‍ना 4:21

को़न्‍क्षोकला चेवा झ्‍यीगीनगी, राङगी पी़नला झाम्‍पा झ्‍यीघो़। दे नी, खोङबागी होराङला ॱनाङना का लाक।