कोलोसेपा 3:12 - ॱलोवा

¹² होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

कोलोसेपा 3:12 Iomraidhean Croise

मेथा 24:22

धेनी होदे धी़चो़गी ङीमागो ङ्युङा माजे हो़ना, मी सुवा थारये मेक। हीना दाम्‍दा मीक्‍याई क्षीला ङीमा देक्‍या ङ्युङदु जेगीलाक।

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:31

धेनी खोङगी राङगी भाङछेनक्‍याला दुङकेक क्षेमुला झाङगीलाक धेनी खुङक्‍याई छोक श्‍यीने, नाम्‍खागी थाने थारु खोङगी दाम्‍दाक्‍याला धी़गीलाक।

मारकु 13:20

धेनी को़न्‍क्षोकगी होदे ङीमागी़ ढाङगा ङ्युङदु ॱमाता हो़ना, मी च्‍यीया सो़न्‍पो लेगीमालाक हीना खोङबागी दाम्‍दा मीक्‍याई क्षीला, होदे ङीमागी ढाङगा ङ्युङदु ताङा जे हो़तालाक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

मारकु 13:27

धेनी खोङबागी खोरी भाङछेनक्‍या झाङगीलाक धेनी जाम्‍बुलीङगी थामाने, ॱनामगी थामा थुक्‍पे क्षोक श्‍यीने राङगी दाम्‍दा मीक्‍याला धुगीलाक।”

लुका 1:78

होरी को़न्‍क्षोकगी झाम ॱङीङजेगी झ्‍येरी, खोङबागी थारवे हो़क नाम्‍खे श्‍यीङखामने ताङा जेगीलाक,

लुका 18:7

धेनी को़न्‍क्षोकगी राङगी दाम्‍दा मीक्‍याई ङीन्‍घाङ-छेन्‍घाङ सोवा ग्‍याप्‍ना, खुङक्‍याला ठीम ढाङपो चेदा जेगीमालाक से? खोङबागी खुङक्‍याला रोवा झ्‍यीयेला धाला जेगीलाक से?

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 9:11

धेनी टु छीब्‍रु दे ॱङीउ ॱमाके एन्‍लाराङ धेनी शाङा-ङेन्‍पा घीया माझ्‍ये एन्‍ला, को़न्‍क्षोकगी राङगी थुकोङला तेन्‍दी रेबीकाला देरे सुवालाक, “भीजा क्षेगी च्‍युङाला श्‍याप्‍ची श्‍युगीलाक।” दी दो़न नी, खोङगी दामा जेगीनगो लेने मेन्‍दा हीना राङगी भो़ जेगीनला तेन्‍दी डुप्‍येगी क्षीदु लाक।

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:24

धेनी को़न्‍क्षोकगी स्‍यीकाला धेन्‍पे ढाङतेन धाङ धाम्‍पाला को़का स्‍यीका साबागो लेन ॱनेरी, खेक्‍याला ॱलाप हो़तालाक।

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

फीलीप्‍पीपा 1:8

मास्‍यीका येशुगी झाम्‍पागी थोक्‍ने, ङा खेक्‍याला ॱमीच्‍यीकी थुक्‍ङी दो़दीक। धेनी देला को़न्‍क्षोकगी ङाला धेन्‍पाङ जेदालाक।

कोलोसेपा 3:10

धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

तीतोस 1:1

को़न्‍क्षोकगी ॱयोक्‍पो धाङ येशु मास्‍यीकागी कुछाप, ङा पाउलु, को़न्‍क्षोकगी दाम्‍दाक्‍याई धेपागी क्षीला धाङ को़न्‍क्षोकला थुक्‍ङेउ मीजी पी़येला धेनी लाब धेन्‍पा ॱहाघोतु च्‍युक्‍येला, ङाला को़वालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

२ योहान्‍ना 1:13

को़न्‍क्षोकगी दामा जेजा खीकी नुमोगी, टुवाक्‍यागीया खेक्‍याला छाम्‍डी श्‍यी़क।

ॱङो़न्‍पा 17:14

खुङक्‍याई लुक्‍टुमुला ॱमाक टाप्‍कीलाक हीना लुक्‍टुगी, खुङक्‍या खाला ग्‍यागीलाक घीझ्‍येरी ॱनाना खोङबा चोवोक्‍याई चोवो धाङ ग्‍यावुक्‍याई ग्‍यावु लाक। धेनी खोङबामुला राङगी भो़पाक्‍या धाङ दाम्‍दाक्‍या धाङ ॱलोते छोक्‍पा मीक्‍या हो़तालाक।”