कोलोसेपा 3:10 - ॱलोवा

¹⁰ धेनी स्‍यीका साबा दे खेलेन हो़तालाक। धेनी दे नी, खेक्‍याई को़पापोगी कोरला स्‍येराप छाङघोगो थोप्‍येगी क्षीदु, खेक्‍याला खोङबाराङगी स्‍यीकाला साबा जेदी हो़तालाक।

कोलोसेपा 3:10 Iomraidhean Croise

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 13:12

धा छेन जोक्‍टो दुक धेनी ङीनगो ॱलेप्‍सादुक। होझ्‍येरी मी़नाक्‍पागी लेगा भोरती, होराङ हो़गी गोठापक्‍या घो़न्‍घो।

रोमापा 13:14

हीना खेक्‍या चोवो येशु मास्‍यीकागी गोठापक्‍या घो़न, धेनी धीक्‍पे राङश्‍यीगी दो़छाकक्‍या डुप्‍येगी साम्‍लो ॱमाताङ।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

२ कोरीन्‍थुपा 3:18

धेनी होराङ दोङकेप स्‍युस्‍याक्‍याई चोवोगी शीजेला मेलोङ च्‍योक्‍रे तो़न्‍दालाक धेनी शीजे देले ल्‍हाक शीजे क्षेला, होराङक्‍या खोङबा च्‍योक्‍रे झ्‍युङयेला ग्‍युरती डोवालाक। शीजे दे नी, थुक्‍ङी हीन्‍गीन चोवोने हुङालाक।

२ कोरीन्‍थुपा 4:16

होझ्‍येरी हेक्‍या सेमस्‍युक छाक्‍ती मेधेहो़क। हीकी फीदी ली़ ङ्याम्‍दी डोनाः, हीकी सेम्‍ङी नी श्‍याक्‍मो डाई साबा झ्‍युरी डोवालाक।

२ कोरीन्‍थुपा 4:6

येशु मास्‍यीकागी श्‍यालला ज्‍यागीन को़न्‍क्षोकगी शीजेगो होरी स्‍येलास्‍योक ॱनेरी, “मी़नाक नाङ हो़ झ्‍युङास्‍योक” सुरी सुङगीन, होरी को़न्‍क्षोकगी हो़ दे, होरी सेम नाङदु स्‍यारतु जेपालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 3:27

मास्‍यीकागी थोक्‍ने ठी़सो़ लेन्‍गीन घीरीगी, मास्‍यीकागी स्‍यीकाला खेलेन्‍बालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 2:15

दे नी खोङबागी याहुदापा क्षो़ठीमगी काठीम घीरी, मेताला जेदी राङगी थोक्‍ने खाक ॱङीउगी छापला साबा च्‍यीकला दोम्‍दी, श्‍यीदे जेपालाक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

फीलेमोन 1:6

धा मास्‍यीकागी क्षीदु धेपा च्‍यीक्‍पा हीन्‍गीनक्‍यामुला, ख्‍यी़ थी़न्‍ढीकगी थोक्‍ने, होराङला हो़गीन शाङा घीरीगी स्‍येरापला, ख्‍यो़ फेलास्‍योक ॱनेरी ङा ॱमो़लाम श्‍यी़हो़क।

ईब्‍रीपा 6:6

धेपाने लोक्‍ना याङदा सेम ग्‍युरती, ग्‍यो़पा झ्‍यीरु च्‍युक्‍ये दे हुङथुक्‍येराङ मेतालाक। घीझ्‍येरी ॱनाना हुरे मीक्‍याई को़न्‍क्षोकगी सेला धाब्‍ले ग्‍याङस्‍यीङ खाला क्‍याङगीन च्‍योक्‍रे लाक धेनी घीरीगी दोङदु खोङबागी ङोजा पावालाक।

१ योहान्‍ना 2:3

धेनी को़न्‍क्षोकगी काठीमक्‍या होरी ॱरुङना, होरी खोङबाला ङो स्‍येलालाक ॱनेरी ॱहाघोवालाक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।

ॱङो़न्‍पा 21:5

श्‍युक्‍ठीदु श्‍युवा जेगीनगी ङाला सुजुङ, “तो़दाङ, ङी दो़न घीरी साबा शी़हो़क।” धेनी खोङबागी दे सुजुङ, “दे लाबक्‍या ढीक घीझ्‍येरी ॱनाना दे लाबक्‍या ॱलो काथुक्‍वा धाङ धेन्‍पा दुक।”