कोलोसेपा 3:1 - ॱलोवा

¹ धा खेक्‍या मास्‍यीकामुला ॱलार सो़न्‍पो ॱलाङला हीन्‍ना, को़न्‍क्षोकगी क्षाक ॱयेरु मास्‍यीका श्‍युक्‍सा, नाम्‍खे श्‍यीङखामगी दो़नक्‍या चो।

कोलोसेपा 3:1 Iomraidhean Croise

मेथा 22:44

‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ श्‍याप होकदु ङी ॱमाच्‍युक थुक्‍पे, ख्‍यो़ ॱङी लाक्‍पा ॱये स्‍योकला धो़क।’

मेथा 26:64

येशुगी खोला सुवालाक, “खेराङगीराङ सुजुङ। हीना ङा खेराङला ॱनाहीन, देने ॱहाला खेराङगी मी-भु कुवाङगी क्षाक ॱयेला श्‍युक्‍कीन धाङ ॱनामगी ॱरीङगी खाला फेप्‍कीनगो थोङगीलाक।”

मेथा 6:20

हीना खेरी क्षीला नाम्‍खे श्‍यीङखामदु ग्‍युनोर सोक, घीझ्‍येरी ॱनाना होदुरु मुक्‍पा धाङ चागी ॱमेनोलालाक धेनी कुमु जुरी कुये मेतालाक।

मेथा 6:33

हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

मारकु 12:36

दावीद खोराङगी धाम्‍पे थुक्‍ङीगी थोक्‍ने देरे ॱनेवालाक, ‘चोवो को़न्‍क्षोकगी ङी चोवोला सुजुङ, ख्‍यी़ डाक्‍याला ख्‍यी़ काङबा होकला, ङी माश्‍याक्‍कीन थुक्‍पे, ख्‍यो़ ङी क्षाक ये स्‍योकला धो़क।’”

मारकु 14:62

येशुगी सुवालाक, “ङा हीन। धेनी खेक्‍याई मी-भु कुवाङगी क्षाक ॱयेरु श्‍युकश्‍या, धाङ नाम्‍खाने ॱरीङक्‍यामुला भाप्‍कीनगो थोङगीलाक।”

मारकु 16:19

चोवो येशुगी खुङक्‍यामुला कामो़न ॱनाङसारती, खोङबा नाम्‍खे श्‍यीङखाम स्‍योकला ठीक जेपालाक धेनी को़न्‍क्षोकगी क्षाक ॱये स्‍योकला श्‍युक जेपालाक।

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 20:42

घीझ्‍येरी ॱनाना सुङगुरगी धेपला दावीद खोराङगी ॱनालाक, ‘चोवो को़न्‍क्षोकगी ङी चोवोला सुजुङ, ङा ख्‍यी़ डाक्‍याला, ख्‍यी़ काङबी होकला माश्‍याक्‍कीन थुक्‍पे, ख्‍यो़ ङी ॱये स्‍योकला धो़क।’

लुका 22:69

हीना धीरीङने ॱहाला, मी-भु नी कुवाङ को़न्‍क्षोकगी क्षाक ॱये स्‍योकला श्‍युक्‍कीलाक।”

जेपा 2:34

घीझ्‍येरी ॱनाना दावीद नाम्‍खे श्‍यीङखामला ॱमाफेप्‍पालाक। घीहीन्‍ना खोङगी देरे सुवालाक, ‘को़न्‍क्षोकगी ङी चोवोला सुङा जेपालाक, ख्‍यो़ ङी लाक्‍पा ये स्‍योकला धो़क, ङी ख्‍यी़ डा घीरीला, ख्‍यी़ काङबी होकला माश्‍याक्‍कीन थुक्‍पे धो़क।’

जेपा 7:55

हीना खो धाम्‍पे थुक्‍ङीगी खारी, नाम्‍खे श्‍यीङखाम स्‍योकला तेरी धेपालाक। खी़ को़न्‍क्षोकगी शीजे धाङ चोवो येशुला, को़न्‍क्षोकगी ॱये स्‍योकला श्‍यारी श्‍युक्‍कीन थोवालाक।

रोमापा 8:34

धा ॱहाना होराङला सी़ ठीम्‍चो़ झ्‍यीगीले? सी़या झ्‍यीगीमालाक। घीझ्‍येरी ॱनाना मास्‍यीका येशु नी, होरी क्षीदु ढोङा जेपालाक। धेनी याङ कुसो़न्‍पो श्‍याङा जेपालाक धेनी खोङ को़न्‍क्षोकगी क्षाक ॱयेरु श्‍युक्‍वा जेदी, होरी क्षीदु श्‍योवा पुली हो़तालाक।

रोमापा 8:6

धा धीक्‍पे राङश्‍यीगी ख्‍यो़री साम्‍लो वाङ झ्‍यीदु च्‍युक्‍ना, छीवादु ठीयालाक हीना धाम्‍पे थुक्‍ङीगी ख्‍यो़री साम्‍लो वाङ झ्‍यीदु च्‍युक्‍ना, छेसोक धाङ श्‍यीदेला ठीयालाक।

२ कोरीन्‍थुपा 4:18

होझ्‍येरी हेक्‍या थोङगीनक्‍याला मेन्‍दा, ॱमेथोङगीन दो़नक्‍याला तीहो़क, घीझ्‍येरी ॱनाना थोङगीनक्‍या नी, ॱनेकापगी क्षीदु लाक हीना ॱमेथोङगीनगो नी थामेपे क्षीदु लाक।

एफीसुपा 4:10

माला भाप जेगीनगोराङ, नाम्‍खे श्‍यीङखाम घीरीगी थो़स्‍योकला फेप्‍कीनगो लाक। धेनी दे नी, खोङगी जीक्‍तेनदु घीरी खाङदु च्‍युक्‍येगी क्षीला लाक।

एफीसुपा 5:22

केमीक्‍याओ, खेक्‍या चोवोगी काला ङेन्‍गीन च्‍योक्‍रे, राङगी ख्‍योवागी खाला ङेन।

कोलोसेपा 2:20

खेक्‍या जीक्‍तेनगी तावाक्‍याने मास्‍यीकामुला स्‍यीवा हीन्‍ना, खेक्‍या धोराङा दे, जीक्‍तेनगी हीन्‍गीन च्‍योक्‍रे मीछे घीझ्‍येरी पी़दा ले? ठीमक्‍याई होकला घीझ्‍येरी घुरा ले?

कोलोसेपा 3:2

साश्‍यीदु हो़गीन दो़नक्‍याला मेन्‍दा, नाम्‍खे श्‍यीङखामदु हो़गीन दो़नक्‍याला साम्‍लो तोङ।

ईब्‍रीपा 1:13

को़न्‍क्षोकगी नाम्‍खे भाङछेनक्‍याने सुला, देरे नामा सुङा माजे हो़तालाक, “ख्‍यी़ डाक्‍याला ङी, ख्‍यी़ काङबी होकदु माश्‍याक थुक्‍पे, ख्‍यो़ ङी ॱये स्‍योकला धो़क।”

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 10:12

हीना मास्‍यीकागी धी़ तेनगी क्षीदु, थेङ च्‍यीकला धीक्‍पा सेयेगी ॱमारछो़ पुरी, खोङ को़न्‍क्षोकगी क्षाक ॱयेरु श्‍युक्‍वा जेपालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

ईब्‍रीपा 8:1

धा हीकी ॱनेना, लाबगी दो़न चोगो दे लाक। नाम्‍खे श्‍यीङखामदु ॱलानामेपे को़न्‍क्षोकगी श्‍युक्‍ठीगी ॱये स्‍योकला श्‍युकश्‍या, खोङबागो होरी चो क्षो़पो़न लाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।