कोलोसेपा 2:9 - ॱलोवा

⁹ घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी, ली़ला मास्‍यीकागी नाङ ॱनेलालाक।

कोलोसेपा 2:9 Iomraidhean Croise

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

लुका 14:22

धेनी ॱयोक्‍पोगी़ ॱनेवालाक, ‘खेराङगी का ॱनाङगीन च्‍योक्‍रे झ्‍युजुङ हीना धोराङा साज्‍या माङा स्‍योङये दुक।’

लुका 3:22

धेनी धाम्‍पे थुक्‍ङी फुक्‍रो़नगी स्‍यीकाला खोङबा खाला भाप्‍पालाक। धेनी नाम्‍खे श्‍यीङखामने देरे सुङकेक च्‍यीक सुवालाक, “ख्‍यो़ ङी चेवे से हीन। ख्‍यी़मुला ङा ॱमीच्‍यीकी ङ्यामो घा हो़क।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:16

खोङबागी फी़न्‍सुम छोक्‍पागी थोक्‍ने, होराङ घीरीगी थुक्‍जे च्‍यीकगी खाला थुक्‍जे थोप्‍पालाक।

योहान्‍ना 10:30

ङा धाङ याप नी च्‍यीक हीन।”

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 2:21

हीना खोङबागी क्षो़खाङगी कोरला सुङी घाङला, राङगी ली़गी कोरला सुङी हो़तालाक।

जेपा 17:29

होझ्‍येरी होराङ को़न्‍क्षोकगी दुङग्‍यु झ्‍येरी, को़न्‍क्षोकला मीक्‍याई रीक्‍पा धाङ लागागी धोगोङ धाङ सेर धाङ ॱङुने शो़सा कु ॱनेरी साम्‍ये मेतालाक।

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

कोलोसेपा 1:19

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी खोङगी नाङ ॱनेयेला, को़न्‍क्षोक थुक घेवालाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

तीतोस 2:13

धेनी होरी खाक्‍क्षे को़न्‍क्षोक धाङ क्‍याम्‍गो़न, येशु मास्‍यीकागी शीजे ॱङो़न्‍ये हीन्‍गीन ङीमा झ्‍यीलाप्‍क्षेगोला, होराङ रेवा झ्‍येरी घुक्‍ती धेतालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,