5 घीझ्येरी ॱनाना ङा ली़गी थोक्ने खीकी घुङदु मेनाः, सेम्ङीगी थोक्ने खीकीमुला हो़क। धेनी खेक्याई थी़न्डील धाङ मास्यीकागी खाला खीकी धेपा तेन्पो हो़गीनगो ॱहाघोरती, ङा ङ्यामो घी हो़क।
धेनी खुङक्या कुछापक्याई क्षो़ला ङेन्ये धाङ मुला जोम्ये धाङ ग्याङगा च्याक्ये धाङ सोवा ग्याप्ये च्योक्रे, लेगाक्या मुला झ्यीदालाक।
धेनी याहुदापाक्या धाङ गीरीकक्याला को़न्क्षोक स्योकला राङ-राङगी धीक्पा पारी, सेम ग्युरती हुङये धाङ होरी चोवो येशु मास्यीकाला धेपा झ्यी ॱनेरी स्येवी।
धेनी मुला जोमाराङ खेक्याला ठीम ॱमेफोक्येगी क्षीला, खेक्याने तोक्कीन रे हो़ना होदेगी राङगी खीमदु शाघो़। धेनी दो़न श्येम्माक्याई कोरला, ङा हुङाराङ खेक्याला ॱलापच्या तेरयेहीन।
हीना घीरी घामोमा झ्येरी, ढीक्लामगी थोक्ने झ्युङघो़।
होझ्येरी ङी चेवे पी़नक्याओ, खेक्या तेन्पो धाङ घु-घु मीझ्यीदा धो़क। धेनी चोवोगी नाङ खीकी काल्ले ग्याप्कीनगो दो़न मेगीन मेयोङालाक ॱनेरी, खेक्याई स्येगीन झ्येरी, खेक्या चोवोगी क्षाक्ले ॱमीच्यीकी हुरा झ्येरी झ्यीदी सोङ।
च्याङजे झ्यी। धेपाला तेन्पो ॱनेती धो़क धेनी ॱलोगोक क्षे धाङ स्युक क्षे झ्युङ।
खेक्या धाङ लाउदीकेयागी मीक्या धाङ ङी ङोरोङ थोङ माङ्युङगीन श्येम्मा मी घीरीगी क्षीदु, ङी ग्यापक्या काल्ले क्षेगो खेक्याई स्येलाझ्यी ॱनेरी, ङा दो़दीहो़क।
हीना पी़न्दाक्याओ, हेक्या युन तुङागी क्षीला ली़गी थोक्ने खेक्याने ढाना, सेम्ङीने माढा हो़क। खेक्या ॱमीच्यीकी ढेन्दी खेक्याला ॱङो़न्सुम थोङयेला हीकी दो़पा क्षे हो़क।
खेक्या चोवोगी नाङ धेपाला तेन्पो ॱनेना, हेक्या ॱङोन्ने सो़न्पो हीन।
घीझ्येरी ॱनाना होराङगी गोमागी ॱलोतेला, था थुक्पे तेन्पो झ्येरी था ख्योला झ्यीना, होराङ मास्यीकागी लेरोक झ्युङालाक।
रेवा दे नी, सेमगी तीङधो च्योक्रे, ॱरा धाङ तेन्पो हो़तालाक। धेनी दी होराङला क्षो़खाङ नाङगी योल्वाने, को़न्क्षोकगी धाम्पे ॱनेसारु ठीयालाक।
राङगी धेपाला तेन्पो झ्युरी, धी़कगी ङोलोक झ्यी घीझ्येरी ॱनाना जीक्तेन हो़लेरु खीकी पी़नक्यागीयाः देरे दुक्पु राङ ङ्याङी हो़तालाक।