कोलोसेपा 2:4 - ॱलोवा

⁴ मी सी़या खेक्‍याला ॱली़गीन ताम ॱङेन्‍बोगी गोकोर ॱमाताङास्‍योक ॱनेरी, ङा देरे ॱनाहीन।

कोलोसेपा 2:4 Iomraidhean Croise

मेथा 24:24

घीझ्‍येरी ॱनाना मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या माङा थो़न्‍गीलाक धेनी खुङक्‍याई ॱमीच्‍यीकी ॱहालेगीन ताकक्‍या धाङ लेगाक्‍या तो़न्‍दी गोकोर ताङगीलाक धेनी झ्‍युङना दाम्‍दाक्‍याला गो कोरकीलाक।

मेथा 24:4

येशुगी खुङक्‍याला सुवालाक, “च्‍याङजे झ्‍यी, मी सी़या खेक्‍याला ॱमाली़वास्‍योक।

मारकु 13:22

मास्‍यीका शोक्‍पोक्‍या धाङ ॱङो़नस्‍येखेन शोक्‍पोक्‍या थो़न्‍गीलाक धेनी ॱहाङसागीन ताक धाङ लेगाक्‍या तो़न्‍दी, घी थुप्‍तु को़न्‍क्षोकगी दाम्‍दाक्‍याला गो कोरकीलाक।

जेपा 20:30

खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

१ कोरीन्‍थुपा 2:4

खेक्‍याई धेपा मीगी स्‍येरापला मेन्‍दा हीना को़न्‍क्षोकगी नी़थुला तेन्‍येगी क्षीदु, ङी स्‍येगीन तामक्‍या धाङ क्षो़क्‍या, ताम खेवा धाङ स्‍येरापगी थोक्‍ने मेन्‍दा, धाम्‍पे थुक्‍ङी धाङ नी़थुगी गोने झ्‍युवालाक।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 4:17

धा ङा चोवोगी नाङ का स्‍युक्‍क्षे तेरती ॱनाहीन, खेक्‍या देने ॱहाला याहुदापा मेन्‍गीन मीक्‍या च्‍योक्‍रे, दो़न मेगीन साम्‍लोक्‍या तारी मीछे ॱमाक्‍या।

एफीसुपा 5:6

खेक्‍याला सी़या खुङ मेगीन लाबक्‍या तारी ॱमाली़वास्‍योक घीझ्‍येरी ॱनाना देरेक्‍याई झ्‍येरी, को़न्‍क्षोकगी थुक्‍ठो़ काला मेङेन्‍गीनक्‍याई खाला फोवालाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

कोलोसेपा 2:8

मी सु च्‍यीकगीया खेक्‍याला खुङ मेगीन धाङ ॱली़गीन ॱलापच्‍याक्‍याई थोक्‍ने, वाङदु धी़रु ॱमाच्‍युक। देक्‍या नी, मास्‍यीकागी थोक्‍ने मेन्‍दा, मीगी लुक्‍सो़ धाङ जीक्‍तेनगी तावाक्‍याला तेन्‍दालाक।

२ तीमोथेउ 2:16

क्षो़ला ॱमीथी़न्‍गीन लाबक्‍याने जेम घीझ्‍येरी ॱनाना देरेक्‍याई मीक्‍याला को़न्‍क्षोकने थाक्‍रीङा ठीक्‍कीलाक।

२ तीमोथेउ 3:13

हीना मी ङेन्‍पाक्‍या धाङ शोक झ्‍यीगीनक्‍या श्‍येम्‍माक्‍याला गोवा कोरती धेनी राङ गोकोरला छी़दी, दुक्‍तु दुक्‍तु डुगीलाक।

१ योहान्‍ना 2:18

चेवे टुवाक्‍याओ, धान्‍दा धी़गी थामागो लाक। मास्‍यीकागी डागो हुङी ॱनेरी, खीकी ॱहाघोर ङ्युङ हो़तालाक धेनी धान्‍दा, मास्‍यीकागी डा माङा होसा हो़तालाक। होझ्‍येरी धी़गी थामागो ॱलेप्‍दुक ॱनेरी, होरी ॱहाघोरालाक।

१ योहान्‍ना 2:26

खेक्‍याला गोकोर ताङदो़ झ्‍यीगीनक्‍याला ॱमीक्‍ती, ङा खेक्‍याला दे लाबक्‍या ढीयाहीन।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

२ योहान्‍ना 1:7

घीझ्‍येरी ॱनाना येशु मास्‍यीका नी, कुली़ला फेप्‍कीनगो खेलेन मीझ्‍यीगीन, गोकोर ताङगीन माङा जीक्‍तेनदु थो़न्‍सादुक। देरे मी नी, गोकोर ताङगीन धाङ मास्‍यीकागी डा लाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 20:3

लो च्‍यीक तोङगो माजोक्‍कीन थुक्‍पे, होदेगी मीरीकक्‍याला ॱमीली़वास्‍योक ॱनेरी, नाम्‍खे भाङछेनगी होदेला थी मेगीन, दोङ-दोङ नाङदु ॱयुक्‍पालाक धेनी दोङ-दोङगोला घोजा ग्‍याप्‍ती थेचे ग्‍याप्‍पालाक। होदे स्‍याम्‍ने धी़ तीते च्‍यीकगी क्षीदु, होदेला टो घोगुलाक।

ॱङो़न्‍पा 20:8

धेनी साश्‍यीगी छोक श्‍यीगाराला हो़गीन, मीरीकक्‍या याङना गोग धाङ मागोगक्‍याला ॱली़ये धाङ ॱमाकगी क्षीदु रुक्‍येला, होदे सातान थो़न्‍दी हुङगीलाक। धेनी खुङक्‍याई ढाङगा ग्‍याछोगी भेमा च्‍योक्‍रे हुङगीलाक।