कोलोसेपा 2:2 - ॱलोवा

² ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

कोलोसेपा 2:2 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

लुका 1:1

हीकी घुङदु झ्‍युजा लोग्‍युक्‍याई कोरला, मी ॱमीच्‍यीकी माङागी ढीक्‍दुक।

योहान्‍ना 10:30

ङा धाङ याप नी च्‍यीक हीन।”

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 16:15

यापला हो़गीन घीरी ङाराङगी हीन होझ्‍येरी थुक्‍ङीगी, ङी हीन्‍गीनगो लेन्‍दी खेक्‍याला तो़न्‍दा जेगीलाक, ॱनेरी ङा स्‍येदाहीन।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 5:17

हीना येशुगी खुङक्‍याला सुवालाक, “ङी यापगी धान्‍दा थुक्‍पे क्षाक्‍ले जेदालाक धेनी ङा झ्‍यीदाहीन।”

योहान्‍ना 6:69

धेनी खेराङ को़न्‍क्षोकगी धाम्‍पागो लाक ॱनेरी, हेक्‍या धेपा झ्‍यीदीहो़क धेनी दे हेक्‍याला स्‍येयेहो़क।”

जेपा 4:32

धेपा-झ्‍यीगीन मीक्‍या सेम धाङ साम्‍लो च्‍यीक झ्‍युरी, थी़न्‍दी धेबालाक। खुङक्‍याई राङगी ग्‍युनोरक्‍या ङी हीन ॱनेरी, ॱनागीन च्‍यीया मेतालाक। ग्‍युनोर हो़गीन घीरी घो़री पी़मा चीलालाक।

रोमापा 15:13

धा धाम्‍पे थुक्‍ङीगी नी़थुने खेक्‍याई रेवा मेछो़ली फेयेगी क्षीदु, रेवागी को़न्‍क्षोकगी खेक्‍याला धेपागी थोक्‍ने, घाटो धाङ श्‍यीदे हो़लेगी खाङवास्‍योक।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

१ कोरीन्‍थुपा 14:31

घीझ्‍येरी ॱनाना घीरीगी ज्‍याङये धाङ घीरीला सेमस्‍युक थोप्‍येगी क्षीदु, खेक्‍या घीरीगी रेमो ग्‍याप्‍ती ॱङो़नस्‍ये स्‍येघो़।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

एफीसुपा 3:3

को़न्‍क्षोकगी साङवा दे ङाला साल्‍तो़नगी थोक्‍ने, ॱङो़न्‍दु जेपालाक धेनी दी कोरला ङी एन्‍ला, खेक्‍याला दोरधी़ला ढीक हो़तालाक।

एफीसुपा 6:22

हीकी ॱनेछु घारे हो़गीनगो खेक्‍याई ॱहाघोरास्‍योक धेनी खेक्‍याला सेमस्‍युक थोप्‍पास्‍योक ॱनेरी, साम्‍लो तारी ङी खोला खेक्‍याचारु झावी।

फीलीप्‍पीपा 2:1

होझ्‍येरी मास्‍यीकागी नाङ खेक्‍याला सेमस्‍युक रे हो़ना, झाम्‍पे सेम्‍सो रे हो़ना धेनी धाम्‍पे थुक्‍ङीगी थी़न्‍डील हो़ना धेनी झाम धाङ ॱङीङजे हो़ना,

फीलीप्‍पीपा 3:8

देचो़ च्‍यीगा मेन्‍दा, मास्‍यीका येशुला ङी चोवो हीन ॱनेरी, ङो स्‍येयेगी देरे चाक्षे लाबगी दोङदु, श्‍येम्‍मा घीरी ङा ग्‍योङ चीलाहीन। खोङगी क्षीदु ङी घीरी ॱलो़ तावी धेनी होदे घीरी ङी झोरा चीलीहो़क। दे नी, ङा मास्‍यीकागी झ्‍युङास्‍योक ॱनेरी लाक।

कोलोसेपा 1:26

धी़रापने धी़राप धेनी मीरापने मीराप थुक्‍पे हो़गीन साङवागो, धान्‍दा खोङबागी धाम्‍पे मीक्‍याला ॱङो़न हो़तालाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

कोलोसेपा 4:3

मास्‍यीकागी साङवागो स्‍येयेला, को़न्‍क्षोकगी हेक्‍याला कागी क्षीदु घो पेवास्‍योक ॱनेरी, हीकी क्षीलाः ॱमो़लाम ग्‍योप। दो़न दी क्षीदु ङा चो़न्‍खाङदु हो़क।

कोलोसेपा 4:8

हीकी ॱनेछु खीकी ॱहाघोरये धाङ खी़ खेक्‍याला सेमस्‍युक पारास्‍योक ॱनेरी, ङा खोला खीकीचारु दो़न दी क्षीदु ताङाहीन।

१ थेसालोनीकेपा 1:5

घीझ्‍येरी ॱनाना हीकी ताम्‍शाङगो खेक्‍याचारु छीकला च्‍यीगा मेन्‍दा, वाङ धाङ धाम्‍पे थुक्‍ङी धाङ ॱङोन्‍ने ढाङने धेन्‍पे थोक्‍ने होवालाक। खेक्‍याई घुङदु खीकी क्षीला हीकी चो़पा घारे हो़तालाक ॱनेरी, खेक्‍या स्‍येलालाक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

ईब्‍रीपा 10:22

होरी सेम नाङगी साम्‍लो ङेन्‍पाक्‍या, मास्‍यीकागी कुठाक तोरती दाक्‍ता धाङ होरी ली़ क्षु चाङमागी ठी़री, होराङ सेम ढाङपो धाङ यीच्‍चे तेन्‍पोगी खारी, होराङ को़न्‍क्षोकगी डुङदु डो।

ईब्‍रीपा 6:11

खीकी रेवा झ्‍येजागो ॱङोन्‍ने डुप्‍येगी क्षीदु, खेक्‍या रे-रेगी था थुक्‍पे देरेराङ झ्‍येरी ची़न्‍डी़ झ्‍यीदास्‍योक ॱनेरी, हेक्‍या दो़दीहो़क।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।

१ योहान्‍ना 3:19

देनेराङ होराङ धेन्‍पागी हीन्‍गीन धाङ खोङगी दोङदु, होरी सेम ॱलोदेवा शोगीनगो, होरी स्‍येलालाक।

१ योहान्‍ना 5:7

घीझ्‍येरी ॱनाना पाङपो झ्‍यीगीन सुम हो़तालाक,