कोलोसेपा 2:13 - ॱलोवा

¹³ खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

कोलोसेपा 2:13 Iomraidhean Croise

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

योहान्‍ना 6:63

छे ॱनाङगीनगो थुक्‍ङी लाक, ली़ने फेन्‍थोक घीया मेतालाक। ङी ॱनागीन कागो थुक्‍ङी धाङ छे हीन।

रोमापा 4:17

दी कोरला सुङरापला देरे ढीक हो़तालाक, “ङी ख्‍यो़ला मीरीक माङागी आकी को़वाहीन।” मी स्‍यीस्‍याक्‍याला सो़न्‍दु जेगीन धाङ मेगीनक्‍याला हो़गीन जेगीन, को़न्‍क्षोकला आब्‍राहामगी धेपा झ्‍येवालाक। धेनी खोङगी ॱमीक्‍वादु आब्‍राहाम होरी याप लाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ कोरीन्‍थुपा 15:36

खे ॱलेन्‍दाक्‍याओ, खीकी ताप्‍कीन साङागो ॱमास्‍यीवाला ॱमेकेलालाक।

१ कोरीन्‍थुपा 15:45

होझ्‍येरी सुङरापला देरे ढीक हो़तालाक, “धाङपो मी आदामगो सो़न्‍पो झ्‍युवालाक।” धेनी थामागी आदामगो छे ॱनाङगीन थुक्‍ङी झ्‍युवालाक।

२ कोरीन्‍थुपा 3:6

खोङबागी हेक्‍याला धाम्‍चा साबागी श्‍याप्‍तोक्‍पा झ्‍युङयेला, ज्‍यो़न्‍पो जेजुङ। धेनी दे नी, यीगी थोक्‍ने मेन्‍दा हीना धाम्‍पे थुक्‍ङीगी थोक्‍ने लाक घीझ्‍येरी ॱनाना ढीक्‍टा क्षो़ठीमगी मीला छीवागी छेपा कालालाक हीना धाम्‍पे थुक्‍ङीगी छे ॱनाङालाक।

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:11

होझ्‍येरी ढेन्‍सो़ झ्‍यी, खेक्‍या केने ॱहालाराङ याहुदापा मेन्‍गीन हो़ताराङ, ली़ला लाक्‍पागी थोक्‍ने पाउ चेचा याहुदापाक्‍याई खेक्‍याला “पाउ ॱमाचेचाक्‍या” ॱनेरी ॱनालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

ईब्‍रीपा 9:14

होराङ सो़न्‍पो को़न्‍क्षोकला श्‍याप्‍ची श्‍यु थुप्‍येगी क्षीदु, मास्‍यीकागी कुठाकगी होरी स्‍येशाङला, धीक्‍पे लेगाक्‍याने देले ल्‍हाक चाङमा शो थुप्‍की माले? घीझ्‍येरी ॱनाना थामेपे थुक्‍ङीगी नी़थुगी गोने, होरी धीक्‍पाक्‍याई क्षीदु मास्‍यीकागी राङला याङदाक्‍पे ॱमारछो़ च्‍योक्‍रे को़न्‍क्षोकला पुवालाक।

याकोब 2:17

देरे झ्‍येरी लेगा मीडुप्‍कीन, धेपा नी स्‍यीवा हीन।

याकोब 2:20

खे ॱलेन्‍पाक्‍याओ, लेगा मेगीन धेपा फेन मेगीनगी पाङपोगो, खेक्‍याला तो़न घोयेदुई?

याकोब 2:26

ली़ सेमने डाना स्‍यीगीन च्‍योक्‍रे, धेपागोवा लेगाने डाना स्‍यीस्‍या च्‍योक्‍रे लाक।

१ योहान्‍ना 2:12

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना येशुगी छेनगी थोक्‍ने, खीकी धीक्‍पाक्‍या सेल हो़तालाक।