कोलोसेपा 2:11 - ॱलोवा

¹¹ मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

कोलोसेपा 2:11 Iomraidhean Croise

मारकु 14:58

“‘मीगी लाक्‍पागी शो़सा, को़न्‍क्षोकगी क्षो़खाङ दे स्‍यीक्‍ती लाक्‍पागी चीक्‍चा मेन्‍दा श्‍येम्‍मा क्षो़खाङ च्‍यीक, ङी श्‍याक्‍मु सुम नाङला चीउ’ ॱनेरी खी़ ॱनागीनगो हीकी घोजुङ।”

लुका 2:21

टु केगीनगी श्‍याक्‍मो ग्‍येगोला, पाउ चेगीन ॱरोगो डुप्‍ती टुगी छेनला येशु ॱनेरी ताक्‍पालाक। दे छेनगो नाम्‍खे भाङछेनगी एन्‍दुरु मीरीयामगी फोवाला टु क्षाई घाङला ॱनावालाक।

जेपा 17:24

जाम्‍बुलीङ धाङ देला हो़गीन घीरी को़ ॱनाङगीन, को़न्‍क्षोकराङ नाम्‍खे श्‍यीङखाम धाङ जाम्‍बुलीङगी चोवो लाक। खोङबा मीक्‍याई शो़सा ल्‍हाखाङदु मीश्‍युक्‍वालाक।

जेपा 7:48

“हीना मीगी शो़सा क्षो़खाङदु ॱलानामेपे को़न्‍क्षोक श्‍युक्‍कीमालाक। ॱङो़नस्‍येखेनक्‍याई देरे सुङ हो़तालाक,

रोमापा 2:29

हीना याहुदापा ॱङोन्‍नेगो सेम नाङने, याहुदापा हीन्‍गीनगो लाक धेनी पाउ चेगीन ॱरो ॱङोन्‍नेगो ढीक्‍टा क्षो़ठीमने मेन्‍दा, धाम्‍पे थुक्‍ङीगी थोक्‍ने झ्‍युङगीन सेम्‍ङीगी लाब लाक। देरे मीगी तो़टा नी, मीने मेन्‍दा को़न्‍क्षोकने झ्‍युङगीलाक।

रोमापा 6:6

धेनी धीक्‍पागी वाङ होकदु हो़गीन होरी ली़ दे, मेताला ताङये धाङ होराङ धीक्‍पागी ढेन्‍योक मीझ्‍युङयेगी क्षीदु, होरी धीक्‍पे स्‍यीकागो खोङमुला ग्‍याङस्‍यीङला क्‍याङबालाक ॱनेरी, होराङ स्‍येलालाक।

रोमापा 7:24

आच्‍ची, ङा घीन्‍गी दुक्‍वा मी च्‍यीक ले। दे छीवागी ली़ने ङाला सी़ थारपा जेगीले?

२ कोरीन्‍थुपा 5:1

घीझ्‍येरी ॱनाना होरी ली़ नी, दे जीक्‍तेनदु ॱनेसा घुर च्‍योक्‍रे लाक। धेनी घुर दे स्‍यीक्‍ना, होरी क्षीदु मीगी लाक्‍पी शो़सा मेन्‍दा हीना नाम्‍खे श्‍यीङखामदु धी़ तेन्‍दु ॱनेगीन खाङबा, को़न्‍क्षोकगी ॱनाङ हो़तालाक ॱनेरी होराङ स्‍येलालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

गालातीयापा 5:24

धेनी मास्‍यीका येशुगी हीन्‍गीनक्‍याई, खोरी धीक्‍चेन राङश्‍यीगो दो़क्षाक धाङ दो़पाक्‍यामुला ग्‍याङस्‍यीङदु क्‍याङदी सेपालाक।

एफीसुपा 4:22

दे नी ॱली़गीन दो़छाकगी रुरा, एम्‍मा मीछेगी च्‍यो़पाला थी़न्‍गीन खेरी च्‍यो़पा ॱङीङबागो पोङ।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 3:5

होझ्‍येरी खीकी नाङला हो़गीन लोक्‍येम धाङ ॱमेचाङा धाङ दो़क्षाक धाङ दो़ङेन धाङ कुन्‍डाला क्षो़ये हीन्‍गीन, दो़ङाम च्‍योक्‍रे जीक्‍तेनगी स्‍यीकाक्‍या सो़।

ईब्‍रीपा 9:11

होझ्‍येरी मास्‍यीका नी, धान्‍दा झ्‍युजा शाङा घीरीगी चो क्षो़पो़न झ्‍युवालाक। धेनी खोङबा मीगी लाक्‍पागी शो़सा मेन्‍दा, याङना जीक्‍तेन देगी मेन्‍गीन घुरखाङ चाक्षेस्‍योक धाङ याङदाक्‍पागी नाङने फेप्‍पालाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।