कोलोसेपा 1:3 - ॱलोवा

³ खीकी दो़नला ॱमो़लाम श्‍यी़ घाङला, हेक्‍या होरी चोवो येशु मास्‍यीकागी याप, को़न्‍क्षोकला च्‍योई काटीन्‍क्षे श्‍यी़हो़क।

कोलोसेपा 1:3 Iomraidhean Croise

रोमापा 15:6

धेनी दे नी खेक्‍या सेम्‍बा च्‍यीक्‍पा झ्‍युरी केक च्‍यीकला, को़न्‍क्षोक धाङ होरी चोवो येशु मास्‍यीकागी यापला तो़पा पुयेगी क्षीदु लाक।

१ कोरीन्‍थुपा 1:4

मास्‍यीका येशुगी गोने, खेक्‍याला को़न्‍क्षोकगी ॱनाङना थुक्‍जेगी झ्‍येरी, ङा को़न्‍क्षोकला च्‍योई खीकी क्षीला काटीन्‍क्षे श्‍यी़हो़क।

२ कोरीन्‍थुपा 1:3

होरी चोवो येशु मास्‍यीकागी को़न्‍क्षोक धाङ यापला तो़पा हुङास्‍योक धेनी ॱङीङजेचेनगी याप धाङ सेम्‍सो घीरीगी, को़न्‍क्षोकला तो़पा हुङास्‍योक।

एफीसुपा 1:15

होझ्‍येरी चोवो येशुला खेक्‍याई धेपा हो़गीन धाङ को़न्‍क्षोकगी धाम्‍पे मीक्‍याला, खेक्‍याई चेवागी कोरला ङी घोरती,

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 4:6

घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

१ थेसालोनीकेपा 1:2

हीकी ॱमो़लामला नाम्‍हीना खेक्‍याला ढेन्‍दी, को़न्‍क्षोकला खेक्‍याई क्षीला च्‍योई थुक्‍जेक्षे श्‍यी़हो़क।

२ तीमोथेउ 1:3

ङी ङीन-छेनगी ॱमो़लामला, ख्‍यो़ला च्‍योई ढेन्‍सो़ झ्‍यीदी घाङला, ङा को़न्‍क्षोकला थुक्‍जेक्षे श्‍यी़लीहो़क। ङी धाङबी फामा च्‍योक्‍रे, खोङबाला ङा स्‍येराप शाङपोगी थोक्‍ने श्‍याप्‍ची श्‍यी़लीहो़क।