कोलोसेपा 1:25 - ॱलोवा

²⁵ खेक्‍याई क्षीदु ङाला को़न्‍क्षोकगी ॱनाङगीन लेगेनला तेन्‍ती, खोङगी का छाङबो झ्‍येरी स्‍येयेला, ङा क्षो़छोकगी श्‍याप्‍तोक्‍पा च्‍यीक झ्‍युहो़क।

कोलोसेपा 1:25 Iomraidhean Croise

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

एफीसुपा 3:2

खेक्‍याई क्षीला को़न्‍क्षोकगी थुक्‍जेगी लेगेनगो, ङाला ॱनाङ हो़गीनगी कोरला, खेक्‍याई घोर हो़तालाक ॱनेरी ङी सामीहो़क।

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।