कोलोसेपा 1:24 - ॱलोवा

²⁴ धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 1:24 Iomraidhean Croise

मारकु 10:39

खुङ ॱङीउगी झ्‍यी थुक्‍येहो़क ॱनेरी लेन श्‍यी़वालाक। धेनी येशुगी सुवालाक, “ङी थुङगीन फोरा देने, खे ॱङीउगी थुङगीलाक धेनी ङी लेन्‍गीन ठी़सो़ खे ॱङीउगी लेन्‍गीलाक

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ कोरीन्‍थुपा 12:27

धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

एफीसुपा 1:23

दे क्षो़छोक नी, खोङबागी कुसोक च्‍योक्‍रे लाक धेनी घीरी खाङा जेगीन, मास्‍यीकागी थोक्‍नेराङ क्षो़छोक फी़न्‍सुम छोक्‍पा जेपालाक।

एफीसुपा 3:1

होझ्‍येरी ङा पाउलु, ख्‍ये याहुदापा मेन्‍गीनक्‍याई दो़न्‍दु, मास्‍यीका येशुगी चो़न्‍पा हीन।

एफीसुपा 3:13

खीकी क्षीला ङी ङ्याङगीन दुक्‍पु दे, खेक्‍याला फेन्‍येला लाक। होझ्‍येरी खेक्‍या सेमस्‍युक ॱमाक्षाक ॱनेरी, ङा श्‍योवा पुलाहीन।

फीलीप्‍पीपा 3:10

ङी दो़पा नी, मास्‍यीकाला ङोस्‍येये धाङ खोङ छीवाने ॱलार सो़न्‍पो झ्‍युङगीनगी नी़थु स्‍येये लाक। धेनी खोङगी ङ्याङगीन दुक्‍ङेल च्‍योक्‍रे ङ्याङये धाङ खोङ ढोङगीन च्‍योक्‍रे ढोङये,

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।