कोलोसेपा 1:22 - ॱलोवा

²² हीना खोङगी डुङदु खेक्‍या धाम्‍पा धाङ क्‍यो़न मेगीन धाङ क्‍यो़न्‍जे मेगीन तो़न्‍येगी क्षीला, धान्‍दा मास्‍यीकागी कु ढोङगीनगी गोने, को़न्‍क्षोकगी खेक्‍याला राङमुला दोमा जेपालाक।

कोलोसेपा 1:22 Iomraidhean Croise

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

२ कोरीन्‍थुपा 4:14

घीझ्‍येरी ॱनाना चोवो येशुला कुसो़न्‍पो श्‍याङा जेगीन, खोङबागी हेक्‍याला येशुमुला सो़न्‍पो जेगीलाक धेनी हेक्‍याला खीकीमुला खोङबागी डुङदु ठीया जेदालाक ॱनेरी, हेला स्‍येयेहो़क।

२ कोरीन्‍थुपा 5:18

दे घीरी को़न्‍क्षोकने झ्‍युवालाक। धेनी खोङबागी होराङला मास्‍यीकागी थोक्‍ने, राङमुला दुमा जेपालाक धेनी थी़न्‍ढीलगी श्‍याप्‍तोक ॱनावालाक।

एफीसुपा 1:4

को़न्‍क्षोकगी डुङदु होराङ, धाम्‍पा धाङ क्‍यो़न मेगीन हुङयेगी क्षीला, जीक्‍तेन ॱमाको़ एन्‍लाराङ मास्‍यीकागी थोक्‍ने, खोङबागी होराङला दामा जेपालाक।

एफीसुपा 5:27

देरे जेदी क्षो़छोकगो ॱमेवा धाङ ॱङीमा मेगीन याङना देरे क्‍यो़न घीया मेगीन हीना धाम्‍पा धाङ क्‍यो़न मेता, ॱमीच्‍यीकी शीजेक्षेगी गोने राङगी डुङदु पुयेला लाक।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

१ थेसालोनीकेपा 4:7

को़न्‍क्षोकगी होराङला ॱमेचाङा ग्‍युरतु माभो़वा, धाम्‍पा ग्‍युरतु भो़ जेपालाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 10:10

धेनी होदे थुकोङगी गोने, थेङ च्‍यीकला राङ घीरीगी क्षीदु, येशु मास्‍यीकाई कुशुकगी ॱमारछो़गी थोक्‍ने, होराङक्‍या धाम्‍पा जे हो़तालाक।

ईब्‍रीपा 10:20

होरी दो़न्‍दु येशु ढोङा जेगीनगी गोने, धाम्‍पे धाम्‍पा ॱनेसागी योल्‍वा पे जेदी, होदे नाङदु जुयेगी लाम साबा धाङ सो़न्‍पो च्‍यीक को़ जेपालाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,