कोलोसेपा 1:20 - ॱलोवा

²⁰ धेनी को़न्‍क्षोकगी खोङगी ग्‍याङस्‍यीङगी कुठाकगी थोक्‍ने, श्‍यीदे जेदी साश्‍यी याङना नाम्‍खे श्‍यीङखामगी घीरी, खोङगी थोक्‍ने राङमुला दोमा जेपालाक।

कोलोसेपा 1:20 Iomraidhean Croise

मेथा 1:21

मोने से च्‍यीक ठुङगीलाक धेनी ख्‍यी़ खोङबागी छेनला येशु ताक्‍कीलाक घीझ्‍येरी ॱनाना खोङबागी राङगी मीक्‍याला, खुङक्‍याई धीक्‍पाक्‍याने क्‍योप्‍कीलाक।”

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

जेपा 10:30

कोरनेलीहुगी लेन तेरपालाक, “ङीमा श्‍यी एन्‍ला दे धी़चो़ देलाराङ, ङीङमो छुची सुम्‍बा चो़ला, ङा ङारी नाङदु ॱमो़लाम ग्‍याप्‍ती धेहो़क। धेनी ॱहाताक्‍पाला हो़क ग्‍याप्‍कीन घोलाक घो़न्‍गा, मी च्‍यीक ङी दोङदु लारी धेजुङ

रोमापा 5:1

होझ्‍येरी धेपागी गोने होराङ ढाङपो चीचा झ्‍येरी, होराङ होरी चोवो येशु मास्‍यीकागी थोक्‍ने, को़न्‍क्षोकमुला दुम्‍पालाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

फीलीप्‍पीपा 2:10

होझ्‍येरी ॱनाम धाङ सा धेनी सा तीङला हो़गीन घीरीगी, येशुगी छेनला पीमु चुक्‍ती क्षाक छाघो़।

कोलोसेपा 1:16

घीझ्‍येरी ॱनाना खोङबागी गोनेराङ घीरी को़वालाक। नाम्‍खे श्‍यीङखाम धाङ साश्‍यीदु हो़गीन, ॱमीकगी थोङ थुप्‍कीन धाङ थोङ ॱमीथुप्‍कीन ग्‍यासीक्‍या याङना नी़थुक्‍या याङना पो़न्‍पोक्‍या याङना वाङग्‍युर झ्‍यीगीनक्‍या घीरी, खोङबागी थोक्‍ने धाङ खोङगी क्षीला को़वालाक।

ईब्‍रीपा 2:17

होझ्‍येरी मीक्‍याई धीक्‍पागी धीकस्‍याक पुयेला, खोङबा को़न्‍क्षोकगी श्‍याप्‍ची श्‍युगीन ॱङीङजेचेन धाङ ॱलोते छोक्‍पा क्षो़पो़न क्षे झ्‍युङयेगी क्षीदु, खोङ येशु नी, छोक घीरीने राङगी पी़नक्‍या च्‍योक्‍रे ग्‍युर घो़वालाक।