कोलोसेपा 1:18 - ॱलोवा

¹⁸ खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

कोलोसेपा 1:18 Iomraidhean Croise

मेथा 23:8

“हीना खे घीरी पी़न्‍दा च्‍यीक लाक धेनी खेक्‍याला ॱलोपो़न च्‍यीकराङ झ्‍येरी, खेक्‍याला सी़या ‘राब्‍बी’ ॱमानास्‍योक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 1:1

थोक्‍मा का हो़तालाक धेनी का दे को़न्‍क्षोकमुला श्‍युक हो़तालाक धेनी का दे को़न्‍क्षोक लाक।

योहान्‍ना 1:16

खोङबागी फी़न्‍सुम छोक्‍पागी थोक्‍ने, होराङ घीरीगी थुक्‍जे च्‍यीकगी खाला थुक्‍जे थोप्‍पालाक।

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

जेपा 26:23

मास्‍यीकागी दुक्‍पु ङ्याङ घोगीलाक धेनी छीवाने याङ सो़न्‍पो लाङगीन, गोमा मी झ्‍युङगीलाक धेनी खोङबागी याहुदापाक्‍या धाङ याहुदापा मेन्‍गीन मीरीकक्‍या खाला हो़क टाम्‍गीलाक ॱनागीन, दे लाबक्‍या ङी ॱलाप हो़क।”

रोमापा 8:29

घीझ्‍येरी ॱनाना को़न्‍क्षोकगी राङगी मीक्‍याला थोक्‍माने, ङो खेन्‍दा जेदालाक धेनी खोङगी से, पी़न माङागी नाङने एन्‍ला, केक्‍या झ्‍युङयेगी क्षीदु राङगी मीक्‍यालाः राङगी से च्‍योक्‍रे, झ्‍युङयेला खोङबागी दामा जेपालाक।

१ कोरीन्‍थुपा 11:3

हीना केवे-भु घीरीगी उ नी मास्‍यीका लाक धेनी केमीगी उ नी, मोरी ख्‍योवा लाक धेनी मास्‍यीकागी उ नी को़न्‍क्षोक लाक ॱनेरी, खेक्‍याई स्‍येगीनगो ङा दो़दीहो़क।

१ कोरीन्‍थुपा 12:27

धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

१ कोरीन्‍थुपा 15:25

घीझ्‍येरी ॱनाना खोङगी राङगी डा घीरीला राङगी श्‍याप होकदु श्‍याक माजे थुक्‍पे, खोङगी वाङग्‍युर जे घोगीलाक।

एफीसुपा 1:10

धेनी खोङबागी थुकोङगी धी़ तीक-तीकगो भावी घाङला, ॱनाम्‍सा ॱङीला हो़गीन घीरी च्‍यीकदु मास्‍यीकागी वाङला धी़ये लाक।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।

१ योहान्‍ना 1:1

थोक्‍माने हो़गीन धाङ हीकी घोर ङ्युङगीन धाङ हीकी ॱमीकगी थोङ ङ्युङगीन धाङ हीकी तेदेयागो धाङ हीकी लाक्‍पी जु ङ्युङगीन, छेसोकगी कागी कोरला हेक्‍या सेटाक झ्‍यीदाहीन।

ॱङो़न्‍पा 1:18

ङा नी सो़न्‍पोगो हीन। एम्‍मा ङा स्‍यीवालाक धेनी धान्‍दा तो़दाङ, ङा धी़ तेनगी क्षीदु सो़न्‍पो हो़क। धेनी ङाला छीवा धाङ स्‍यीम्‍पोक्‍या, धेसागी धीमीकक्‍या हो़क।

ॱङो़न्‍पा 1:8

“ङा नी, आल्‍फा धाङ ओमेगागो हीन।” सुरी, चोवो को़न्‍क्षोक सुङालाक। खोङबा श्‍युक हो़गीन धाङ एम्‍मा श्‍युक ङ्युङ हो़गीन धाङ स्‍याम्‍ला फेप्‍ये हीन्‍गीन, ॱलानामेपे को़न्‍क्षोक लाक।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 21:6

धेनी खोङबागी सुजुङ, “धा डुप्‍सो। ङा नी, आल्‍फा धाङ ओमेगा धेनी थोक्‍मा धाङ थामागो हीन। धेनी खा कोम्‍गीनक्‍याला, ङा छेसोकगी क्षुमीकने स्‍यी़दी़ला तेरयेहीन।

ॱङो़न्‍पा 22:13

ङा नी आल्‍फा धाङ ओमेगा धेनी एम्‍मा धाङ स्‍याम्‍मा धेनी थोक्‍मा धाङ थागो हीन।”

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।